سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى دميتريي مۋن ۇكىمەت وتىرىسىندا اۋىل شارۋاشىلىعى سالاسىن سيفرلاندىرۋ بويىنشا جۇرگىزىلىپ جاتقان جۇمىستار تۋرالى باياندادى.
ول اۋىل شارۋاشىلىعىن سيفرلاندىرۋ – جەردى تيىمدىرەك پايدالانۋعا جانە فەرمەرلەردىڭ جۇمىسىن جەڭىلدەتۋگە كومەكتەسەتىنىن اتاپ ءوتتى، دەپ حابارلايدى aqshamnews.kz.
«ول ءۇشىن ءبىز جەردى باسقارۋدىڭ ينتەللەكتۋالدى جۇيەلەرىن ەنگىزەمىز. ۇلكەن دەرەكتەردەن قۇندى اقپاراتتى الامىز. وسىنىڭ ناتيجەسىندە ەكونوميكا وسۋدە، ال ءونىم وندىرۋشىدەن ساتىپ الۋشىعا تەزىرەك جانە وڭاي جەتەدى»،— دەدى دميتريي مۋن.
بۇگىنگى تاڭدا اۋىل شارۋاشىلىعى مينيسترلىگى مەملەكەتتىك قىزمەتتىڭ 93 ءتۇرىن كورسەتەدى. ونىڭ 98%-ى ونلاين رەجيمىندە ۇسىنىلادى. 2024 جىلى 2،6 ملن-نان استام ەلەكتروندىق قىزمەت كورسەتىلدى.