ۇكىمەتتە ۆيسە-پرەمەر سەرىك ءجۇمانعاريننىڭ توراعالىعىمەن وتكەن جەر رەسۋرستارى ماسەلەلەرى جونىندەگى كوميسسيانىڭ وتىرىسىندا فەرمەرلەردەن جەر ۋچاسكەلەرىن الۋعا بايلانىستى ءبىرقاتار ماسەلەلەر قارالدى.
نەگىزگى ماسەلە — ۋاكىلەتتى ورگاندارعا وسى شەشىمدەردى قابىلداۋ كەزىندە قۇقىقتىق نەگىزدە ارەكەت ەتۋگە مۇمكىندىك بەرەتىن جەردى ادال جانە جوسىقسىز پايدالانۋشىلاردى ايقىنداۋ ءۇشىن قۇقىقتىق بازا قۇرۋ، دەپ حابارلايدى aqshamnews.kz Primeminister.kz-كە سىلتەمە جاساپ.
ول ءۇشىن وبلىس اكىمدەرىنىڭ ورىنباسارلارى، باس پروكۋراتۋرا، سوت اكىمشىلىگى، سىبايلاس جەمقورلىققا قارسى ءىس-قيمىل اگەنتتىگى، ۇلتتىق ەكونوميكا مينيسترلىگى جانە «اتامەكەن» ۇكپ وكىلدەرى كىرەتىن اۋىل شارۋاشىلىعى ۆيسە-مينيسترىنىڭ توراعالىعىمەن جۇمىس توبى وڭىرلەردە ارنايى كوميسسيالار قۇرۋ جونىندە ۇسىنىستار ازىرلەدى. بۇل كوميسسيالار ءبىرقاتار كريتەرييلەر نەگىزىندە جەردى پايدالانۋ قۇقىعىن جالعاستىرۋ ماسەلەسىن رەتتەۋمەن اينالىساتىن بولادى. ولاردىڭ قاتارىندا جەردى نىسانالى ماقساتىنا سايكەس پايدالانۋ، سالىق تولەۋ، ينۆەستيسيالار تارتۋ، اۋىلدىق اۋماقتاردى دامىتۋ جانە باسقالارى بار. قازىرگى ۋاقىتتا بارلىق زاڭدى راسىمدەردى ساقتاۋ ءۇشىن اۋىل شارۋاشىلىعى مينيسترلىگىنىڭ ەرەجەسىنە مەملەكەتتىك ورگانعا وسى ارنايى وڭىرلىك كوميسسيانىڭ ۇلگىلىك ەرەجەسى مەن ءىس-قيمىل الگوريتمىن ازىرلەۋ جانە بەكىتۋ بويىنشا قۇزىرەت بەرۋ بولىگىندە وزگەرىستەر ەنگىزىلۋدە. اشم جۇمىس ىستەپ تۇرعان اۋىل شارۋاشىلىعى وندىرۋشىلەرى ءۇشىن جەر پايدالانۋ قۇقىعىن جالعاستىرۋ ماسەلەسىن رەتتەۋ جونىندەگى وڭىرلىك كوميسسيانىڭ ەرەجەسى مەن ءىس-قيمىل الگوريتمىن ازىرلەيدى.
سونداي-اق وتىرىستا قاراعاندى جانە پاۆلودار وبلىستارىنداعى شەكارالاردىڭ بەلگىلەنۋىنە بايلانىستى، يەلىگىندە قايتالانۋى تۋىنداعان اۋىل شارۋاشىلىعى جەرلەرى يەلەرىنىڭ ماسەلەسى قارالدى. تالقىلاۋ قورىتىندىسى بويىنشا سەرىك جۇمانعارين داۋلى جەرلەردىڭ شىنايى شەكارالارىن انىقتاۋ جانە تۋىنداعان ماسەلەنى شەشۋ ءۇشىن بارلىق مۇراعاتتىق قۇجاتتار مەن كارتوگرافيالىق دەرەكتەردى مۇقيات زەردەلەۋدى تاپسىردى.
2024 جىلدىڭ باسىنان بەرى 2 ملن گەكتاردان استام اۋىل شارۋاشىلىعى جەرى مەملەكەت مەنشىگىنە قايتارىلدى. ق ر اشم جەر رەسۋرستارىن باسقارۋ كوميتەتى جەر پايدالانۋشىلارعا قاتىستى 2،8 ملن گا جالپى الاڭدا 1748-دەن استام جوسپاردان تىس تەكسەرۋلەر جۇرگىزدى، ونىڭ ناتيجەلەرى بويىنشا 2،2 ملن گا الاڭدا جەر زاڭناماسىن بۇزۋشىلىقتاردى جويۋ تۋرالى 1342 ۇيعارىم ەنگىزىلدى.
بۇرىن بەرىلگەن ۇيعارىمدار بويىنشا بيىل 311،3 مىڭ گا الاڭدا اۋىل شارۋاشىلىعى جەرلەرىن يگەرۋ باستالدى. 200،4 مىڭ گا الاڭدا اۋىل شارۋاشىلىعى جەرلەرىن ماجبۇرلەپ الىپ قويۋ بويىنشا سوت تالقىلاۋلارى جۇرگىزىلۋدە.
بۇدان باسقا، جەردى پايدالانۋ مەن قورعاۋدى، اتاپ ايتقاندا، قازاقستان رەسپۋبليكاسىنىڭ جەر زاڭناماسى سالاسىندا جەرگىلىكتى اتقارۋشى ورگاندار قابىلداعان شەشىمدەردىڭ زاڭدىلىعىن مەملەكەتتىك باقىلاۋ شەڭبەرىندە 368،5 مىڭ گا القاپتا اۋىل شارۋاشىلىعى ماقساتىنداعى جەر ۋچاسكەلەرىن بەرۋ تۋرالى اكىمدىكتەردىڭ 875 زاڭسىز شەشىمى انىقتالدى، ونىڭ ىشىندە 84 شەشىمنىڭ كۇشى جويىلدى. بارلىق تەكسەرۋلەر ازاماتتاردىڭ وتىنىشتەرى مەن پروكۋراتۋرا ورگاندارىنىڭ ۇسىنىستارى نەگىزىندە جۇرگىزىلدى. بۇزۋشىلىقتاردىڭ نەگىزگى سيپاتىنا – جەردى كونكۋرستان تىس بەرۋ، اۋىل شارۋاشىلىعى جەرلەرىن بەرۋ بويىنشا كونكۋرستاردى وتكىزۋ ءتارتىبىن بۇزۋ، ورتاق پايدالانىلاتىن جايىلىمدىق جەرلەردى بولەك جەر پايدالانۋعا بەرۋ جانە باسقالارى جاتادى.