ۇلتتىق ەكونوميكا ءمينيسترى نۇرلان بايبازاروۆ وسىلاي دەدى.
پرەمەر-مينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ سەنات پارلامەنتىنىڭ كۋلۋارىندا مەملەكەتتىك قارىز كولەمى تۋرالى جۋرناليستەردىڭ سۇراعىنا جاۋاپ بەردى، دەپ حابارلايدى aqshamnews.kz ۇلتتىق ەكونوميكا مينيسترلىگىنە سىلتەمە جاساپ.
ۆيسە-پرەمەر ءوز سوزىندە حالىقارالىق ۆاليۋتا قورى، دۇنيەجۇزىلىك بانك جانە حالىقارالىق رەيتينگ اگەنتتىكتەرى جىل سايىن قازاقستاننىڭ ەكونوميكا دامۋ دەڭگەيءى مەن قارجىلىق تۇراقتىلىق دەڭگەيىن باعالايتىنىن ايتتى.
«حالىقارالىق كرەديتتىك رەيتينگتەردە بولعان سوڭعى وزگەرىستەر ەلىمىزدىڭ فيسكالدىق، قارجىلىق تۇراقتىلىعىن ايعاقتايدى. بىزدە ۇلتتىق قور تۇرىندەگى قوماقتى ۆاليۋتالىق رەزەرۆتەر جانە التىن-ۆاليۋتا رەزەرۆتەرى بار. ولاردىڭ كولەمى ءقازىردىڭ وزىندە 100 ملرد دوللاردان استى جانە بۇل ينۆەستيسيانى بەلسەندى تارتۋعا مۇمكىندىك بەرەتىن قارجىلىق قاۋىپسىزدىك جاستىعى بولىپ تابىلادى.
ءبىز مەملەكەتتىك قارجىنى باسقارۋ تۇجىرىمداماسىن قابىلدادىق. وندا مەملەكەتتىك قارىز، تۇتاستاي العاندا، ەلدىڭ جالپى ىشكى ءونىمىنىڭ 32%-نان اسپاۋى كەرەكتىگى جونىندە شەكتەۋلەر جازىلعان. ءقازىر بۇل كورسەتكىش شامامەن 23%-دى قۇراپ وتىر، ياعني بۇل مەملەكەتتىك قارىزدىڭ كولەمى بويىنشا جەتكىلىكتى ءقاۋىپسىز ءارى قولايلى دەڭگەيدە ەكەنىمىزدى بىلدىرەدى»، - دەدى ول.
سونداي-اق نۇرلان بايبازاروۆ بۇل قارىزدى ينۆەستيسيا رەتىندە قاراستىرۋ كەرەكتىگىن، وسى ينۆەستيسيالاردى تارتۋ ارقىلى جالپى ەكونوميكانى دامىتۋعا مۇمكىندىك بەرەتىن اكتيۆتەردى جاسايتىندىعىمىزدى اتاپ ءوتتى.
«ءبىز جول سالامىز، ينفراقۇرىلىمعا ينۆەستيسيا سالامىز، جاڭا ءوندىرىستى ىسكە قوسامىز. بۇل ەلىمىزدىڭ ەكونوميكالىق ءوسۋىن قامتاماسىز ەتۋ ءۇشىن، بولاشاقتا ەكونوميكالىق دامۋدىڭ بەرىك نەگىزىن قالىپتاستىرادى»، - دەدى مينيستر.