الماتى قالاسىنداعى 28 گۆاردياشى-پانفيلوۆشىلار ساياباعىندا ۇلى وتان سوعىسىنداعى جەڭىستىڭ 80 جىلدىعىنا ارنالعان العاشقى سالتاناتتى شارا ءوتتى. گۇل شوقتارىن قويۋ راسىمىندە سوعىس باتىرلارى ەسكە الىنىپ، ولارعا تاعزىم جاسالدى.
شاراعا قورعانىس مينيسترلىگىنىڭ باسشىلىعى، اسكەري قىزمەتشىلەر، كۋرسانتتار، "جاس سارباز" تاربيەلەنۋشىلەرى جانە باسقا دا ازاماتتار قاتىستى. بۇل ءراسىم قورعانىس مينيسترلىگىنىڭ اۋقىمدى مەرەكەلىك ءىس-شارالارىنا رەسمي باستاما بولدى.
سالتاناتتى راسىمنەن كەيىن گەنەرال-مايور ش.-ح. جازىقبايەۆ 101 جاستاعى ارداگەر ا. پوپوۆتىڭ ۇيىنە بارىپ، جەڭىستىڭ 80 جىلدىعىمەن قۇتتىقتاپ، قۇرمەت كورسەتتى.
