قازاقستاندا جەڭىلدەتىلگەن ديزەل وتىنىنىڭ ورتاشا باعاسى بەلگىلەندى

قازاقستان ۇكىمەتىنىڭ وتىرىسىندا بەيىندى ۆەدومستۆولاردىڭ باسشىلارى كۇزگى دالا جۇمىستارىنىڭ ديزەل وتىنىمەن قامتاماسىز ەتىلۋى تۋرالى ايتتى.

ق ر اۋىل شارۋاشىلىعى ءمينيسترى ەربول قاراشوكەيەۆتىڭ ايتۋىنشا، ەگىن جيناۋ جۇمىستارىن ۋاقىتىلى جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرگە 423،5 مىڭ توننا جەڭىلدەتىلگەن ديزەل وتىنى بولىنگەن، دەپ حابارلايدى Almaty-akshamy.kz.

ەنەرگەتيكا مينيسترلىگىمەن بىرلەسىپ، وبلىس وپەراتورلارىن موز-گە بەكىتۋ كەستەسى بەكىتىلدى. شىلدە كولەمدەرىن وڭىرلەر تولىعىمەن تاڭداپ الدى. قازىرگى ۋاقىتتا تامىز كولەمى جونەلتىلۋدە.

«ەنەرگەتيكا مينيسترلىگى تامىز ايىندا مۇناي وڭدەۋ زاۋىتتارىنان ورتاشا نارىقتىق باعانى بەلگىلەدى - تونناسىنا 212 مىڭ تەڭگە نەمەسە ليترىنە 177 تەڭگە. وپەراتورلاردىڭ شىعىستارىن ەسكەرە وتىرىپ، رەسپۋبليكا بويىنشا ورتاشا باعا ليترىنە 202 تەڭگەنى قۇرايدى، بۇل نارىقتىق باعادان 15-20%-عا ارزان»، - دەدى ەربول قاراشوكەيەۆ.

ءوز كەزەگىندە ق ر ەنەرگەتيكا ءمينيسترى بولات اقشولاقوۆ شىلدەدە اۋىل شارۋاشىلىعى مۇقتاجدىقتارى ءۇشىن 106،6 مىڭ توننا تيەلگەنىن، تامىزدا 148،2 مىڭ تونناعا تولەنگەنىن ايتتى.

«اۋىل شارۋاشىلىعى تاۋارىن وندىرۋشىلەرگە مۇناي وڭدەۋ زاۋىتتارىنان ديزەل وتىنىن جەتكىزۋ باسىم نەگىزدە جۇزەگە اسىرىلادى. مينيسترلىك جونەلتىمدەرگە تۇراقتى مونيتورينگ جۇرگىزۋدە. اۋىل شارۋاشىلىعى تاۋارىن وندىرۋشىلەر ءۇشىن باعا رەسۋرس ۇستاۋشىلاردىڭ كەلىسىمى بويىنشا تونناسىنا 222 مىڭ تەڭگە نەمەسە ليترىنە 184 تەڭگە دەڭگەيىندە انىقتالدى»، - دەدى بولات اقشولاقوۆ.