ءىىم الماتى اكادەمياسىنىڭ تىڭداۋشىلارى دىنمۇحامەد قونايەۆتى ەسكە الدى.
22 تامىز – قازاق حالقىنىڭ ءبىرتۋار پەرزەنتى، كورنەكتى ساياسي جانە مەملەكەت قايراتكەرى دىنمۇحامەد احمەت ۇلى قونايەۆتى ەسكە الۋ كۇنىندە ءىىم م.ەسبولاتوۆ اتىنداعى الماتى اكادەمياسىنىڭ تىڭداۋشىلارى قوعام قايراتكەرىنىڭ بيۋستىنە گۇل شوقتارىن قويىپ، ونىڭ مۇراجايىنا جانە مەموريالدى پاتەرىنە ساياحات جاسادى، دەپ حابارلايدى Almaty-akshamy.kz Polisai.kz-كە سىلتەمە جاساپ.
دىنمۇحامەد احمەت ۇلى - ۇزاق جىلدار قازاق كسر كومپارتياسى ورتالىق كوميتەتىنىڭ ءبىرىنشى حاتشىسى، كسرو ورتالىق كوميتەتى ساياسي بيۋروسىنىڭ مۇشەسى بولعان، ءۇش مارتە سوسياليستىك ەڭبەك ەرى اتاعىن العان كورنەكتى قايراتكەر.
قازاق حالقىنىڭ ءبىرتۋار پەرزەنتى دىنمۇحامەد قونايەۆتىڭ ەسىمىن ماڭگى ەستە قالدىرۋ ماقساتىندا نۇر-سۇلتان، الماتى، تاراز، تالدىقورعان، ەكىباستۇز قالالارىنداعى كوشەلەرگە ەسىمى بەرىلسە، 3 مامىردا الماتى وبلىسىنىڭ قاپشاعاي قالاسى قونايەۆ قالاسى بولىپ وزگەرتىلدى. دىنمۇحامەد احمەت ۇلى قونايەۆتىڭ ەلگە سىڭىرگەن ەڭبەگى مەن جەتىستىكتەرىن كەڭىنەن ناسيحاتتاۋ ءۇشىن وتكىزىلگەن ءىس-شارا اكادەميا تىڭداۋشىلارىنىڭ وتانعا دەگەن پاتريوتتىق رۋحىن كوتەرەرى انىق.