قازاقستاندا جاڭا كولىكتەردىڭ قولجەتىمدىلىگىن ارتتىرۋعا باعىتتالعان جەڭىلدەتىلگەن اۆتونەسيە قايتا ىسكە قوسىلادى
بۇل تۋرالى «حابار» تەلەارناسىنىڭ «بولشايا نەدەليا» توك-شوۋىنىڭ ەفيرىندە ق ر يندۋستريا جانە يننوۆاسيالىق دامۋ ۆيسە-مينيسترى مارات قارابايەۆ مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وكم وپەراتورى» جشس-نەن وكىلەتتىكتەر مەن اكتيۆتەردى «جاسىل دامۋ» اق-عا بەرگەننەن كەيىن ۇكىمەت جينالعان قاراجاتتى ازاماتتاردىڭ كوڭىلىنەن شىعاتىنداي جەڭىلدەتىلگەن اۆتونەسيە باعدارلاماسىن قايتا باستاۋعا باعىتتاۋ مۇمكىندىگىن زەردەلەۋدە»، - دەدى ۆيسە-مينيستر.
ول تەڭگەمەن جىلدىق 4 پايىزدان اسپايتىن باستاپقى جارناسىز اۆتوكولىك ساتىپ الۋ مۇمكىندىگى قاراستىرىلىپ جاتقانىن ايتتى. سونىمەن قاتار، قارابايەۆ وتاندىق اۆتوكولىكتەردى جەڭىلدىكپەن ساتىپ الۋعا ۆاۋچەرلەر بەرۋ باعدارلاماسىن ازىرلەۋ تۋرالى مالىمدەدى. بارلىق جەڭىلدىكتى باعدارلامالاردىڭ تىزبەسى مەن مازمۇنىن ساراپشىلار مەن جۇرتشىلىقتىڭ قاتىسۋىمەن جۇمىس توپتارى زەرتتەيتىن بولادى.
بۇعان دەيىن قازاقستان پرەزيدەنتى قاسىم-جومارت توقايەۆ ۇكىمەتكە اۆتوموبيلدەردەن كادەگە جاراتۋ الىمىن ءوندىرىپ الۋ بويىنشا وكم وپەراتورىنىڭ مولشەرلەمەلەرىن قايتا قاراۋدى تاپسىرعان بولاتىن.