الماتىدا جىل باسىنان بەرى 2 مىڭنان استام ايەل كوروناۆيرۋس پەن پنيەۆمونيانى جۇقتىرعان
اگەنتتىكتىڭ رەسمي ساۋالىنا الماتى قالاسىنىڭ قوعامدىق دەنساۋلىق ساقتاۋ باسقارماسى 2022 جىلدىڭ 1 قاڭتارى مەن 24 قاڭتارى ارالىعىندا COVID-19-بەن اۋىرعانداردىڭ جالپى سانى 2173 ادامدى قۇرايتىنى تۋرالى جاۋاپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جالپى، 1257 ايەل ەمدەلۋدە، ونىڭ 1038ء-ى امبۋلاتورلىق، ال جۇكتى 219 ايەل ستاسيونارلىق ەم الۋدا. جاڭا جىلدىڭ باسىنان بەرى جۇكتى ايەلدەر اراسىندا كوروناۆيرۋستان قايتىس بولعاندار تىركەلگەن جوق»، - دەپ حابارلادى ۆەدومستۆودان.
ەسكە سالايىق، مەگاپوليستە كوروناۆيرۋس بويىنشا ەپيدەميولوگيالىق جاعداي تۇراقتى ەمەس. قازاقستان ايماقتارىندا ەپيدەميولوگيالىق جاعدايدى باعالاۋ ماتريساسىنا سايكەس، الماتى 12 قاڭتاردان باستاپ «قىزىل» ايماققا كىردى. الماتى اكىمى باقىتجان ساعىنتايەۆ كوروناۆيرۋسقا قارسى ەكپە جانە ريەۆاكسينالاۋ جۇمىستارىن كۇشەيتۋدى تاپسىردى. الماتىلىقتارعا ارناعان سوزىندە اكىم ەكپەنى كەشىكتىرمەۋگە، ال ودان وتكەن ادامدارعا بۋستەرلىك ەگۋدى قويۋعا كەڭەس بەردى.