12،5 پايىزعا ۇلعايتىلىپ وتىر.
قازاقستاننىڭ اۋىل شارۋاشىلىعى ءمينيسترى ەربول قاراشوكەيەۆ بيىل جەم-شوپ داقىلدارىنىڭ القابى ۇعايتىلعانىن ايتتى، دەپ حابارلادى Almaty-akshamy.kz Egemen.kz سىلتەمە جاساپ.
ەربول قاراشوكەيەۆ جەم-شوپ ءوندىرۋ بويىنشا جول كارتاسىن ىسكە اسىرۋ باستالىپ كەتكەنىن ايتتى.
«جول كارتاسىندا 15 ءىس-شارا قاراستىرىلعان. ونىڭ ەڭ نەگىزگىلەرى - قولدانىستاعى اۋىسپالى ەگىستەردىڭ عىلىمي نەگىزدەلگەن نورمالارىنا سايكەستىگى تۇرعىسىنان مال شارۋاشىلىعى باعىتىنداعى شارۋاشىلىقتاردىڭ ەگىس القاپتارىنىڭ قۇرىلىمىنا تالداۋ جۇرگىزۋ. ول تالداۋ ءقازىر وڭىرلەردە جۇرگىزىلىپ جاتىر. ءاربىر شارۋاشىلىق پەن اۋىل شارۋاشىلىعى داقىلدارىنىڭ ەگىس الاڭدارىن ءارتاراپتاندىرۋ جوسپارى جاسالىپ جاتىر»،- دەدى ول.
ونىڭ ايتۋىنشا، بيىل جەم-شوپ داقىلدارىنىڭ القابى 12،5 پايىزعا ۇلعايتىلىپ وتىر.
«ياعني، بىلتىر 3،2 ملن گەكتار بولسا، بيىل 3،6 ملن گەكتار بولادى دەپ كۇتىلەدى. بيىل القاپ كولەمى 448 مىڭ گەكتارعا ۇعايتىلدى. بۇل مال ازىعىمەن قامتۋ كولەمىن ارتتىرۋعا ءوز اسەرىن تيگىزەتىن بولادى»، دەپ تۇيىندەدى مينيستر.