25 مامىرعا دەيىن قالاداعى 60 كوممۋنالدىق فونتانداردى ىسكە قوسۋ جوسپارلانعان. قازىرگى كەزدە ونىڭ 16-سى ىسكە قوسىلعان. جالپى، الماتىدا 128 فونتان بار، ونىڭ 63ء-ى قالا مەنشىگىندە، ال 65ء-ى جەكەنمەنشىكتە. فونتاندار ساعات 09:00-دەن 23:00-گە دەيىن جۇمىس ىستەيدى دەپ حابارلايدى almaty-akshamy.kz
سوڭعى بەس جىل ىشىندە 13 جاڭا فونتان سالىندى. الايدا قالاداعى فونتانداردىڭ باسىم كوپشىلىگى 60-80-جىلدارى سالىنعان. جوندەۋ-قالپىنا كەلتىرۋ جۇمىستارى ولاردى تەحنيكالىق جاعىنان دۇرىس جۇمىس ىستەۋىن قامتاماسىز ەتەدى. فونتانداردى جوندەۋ، سانيتارلىق تازارتۋ مەن تازالاۋ جۇمىستارى ۇنەمى جۇرگىزىلىپ وتىرادى.
قازىرگى كەزدە ق ر ورتالىق مەملەكەتتىك مۇراجايى جانىنداعى جانە قبتۋ عيماراتىنىڭ ارتىندا ورنالاسقان «سيەۆەرنىي» ساياباعىنداعى فونتاندارعا جوندەۋ جۇمىستارى ءجۇرىپ جاتىر. اۋەزوۆ اتىنداعى قازاق ۇلتتىق اكادەميالىق دراما تەاترى الدىنداعى فونتاننىڭ ورتالىق توستاعاندارىن اۋىستىرۋ ءارى كۇردەلى جوندەۋ جۇمىستارىن جۇرگىزۋ قاجەت.
ءاربىر فونتاندا قاۋىپسىزدىكتى ساقتاۋ ماقساتىندا شومىلۋعا بولمايتىنى تۋرالى تاقتايشالار ورناتىلعان. ويتكەنى ولاردىڭ كونسترۋكسيالارىنىڭ ىشىندە ەلەكتر، سۋاستى جارىقتاندىرۋ قۇرىلعىلارى، سۋاستى سورعىلار مەن ت.ب. جابدىقتار بار.