الماتى زەينەتكەرلەرى: "ءبىز قوعامدىق-ساياسي ءىس-شارالاردىڭ الدىڭعى قاتارىندامىز!"
بۇل تۋرالى المالى اۋدانىنىڭ بەلسەندى ۇزاق ءومىر ءسۇرۋ ورتالىعىنىڭ قاتىسۋشىلارى Amanat پارتياسىنان پارلامەنت ءماجىلىسىنىڭ دەپۋتاتتارىمەن كەزدەسۋدە ماقتانىشپەن مالىمدەدى. بۇگىنگى كۇنى اتالعان ورتالىقتا شامامەن 3500 ادام تىركەلگەن، كۇن سايىن مۇندا ەكى جۇزدەن استام ادام كەلەدى. كورسەتىلەتىن قىزمەتتەردىڭ سانى ءار ءتۇرلى كۋرستاردىڭ 20-دان استام ءتۇرىن قۇرايدى.
ماجىلىسمەندەر قانات نۇروۆ پەن سىرىم ادامبايەۆ اۋدان زەينەتكەرلەرىنىڭ بەلسەندى ءارى جىگەرلى جولداۋىن، سونداي-اق ولاردىڭ الداعى رەفەرەندۋم بويىنشا حاباردارلىعىن شابىتپەن قابىلدادى.
ورتالىق قاتىسۋشىلارى، اسىرەسە، وبلىس، رەسپۋبليكالىق ماڭىزى بار قالالار جانە ەلوردا اكىمدەرىن سايلاۋ بولىگىندەگى تۇزەتۋلەردى باعالادى. ويتكەنى، ەل حالقى كونستيتۋسياعا تۇزەتۋلەردى ماقۇلداعان جاعدايدا، وبلىستاردىڭ، رەسپۋبليكالىق ماڭىزى بار قالالاردىڭ جانە ەل استاناسىنىڭ اكىمدەرىن ءماسليحات دەپۋتاتتارىنىڭ كەلىسىمىمەن مەملەكەت باسشىسى قىزمەتكە تاعايىندايتىن بولادى. بۇل رەتتە داۋىس بەرۋ ءۇشىن كەمىندە ەكى كانديداتۋرا ۇسىنىلاتىن بولادى. داۋىس بەرۋگە قاتىسقان دەپۋتاتتاردىڭ كوپ داۋىسىن العان كانديدات كەلىسىم العان بولىپ ەسەپتەلەدى. تەك وسى اكىمدەردى عانا مەملەكەت باسشىسى جۇمىستان شىعارا الادى".
"ءبىزدىڭ ورتالىقتىڭ جەتەكشىسى ءاسيا اقانوۆا – AMANAT پارتياسىنىڭ ءماسليحات دەپۋتاتى! سوندىقتان مەگاپوليس اكىمىنىڭ كەلەسى سايلاۋىندا دەپۋتاتتار ءبىزدىڭ پىكىرىمىزدى دە ەسكەرەتىنى جاقسى"، - دەپ اتاپ ءوتتى كەزدەسۋگە قاتىسۋشىلار.
المالى اۋدانىنىڭ زەينەتكەرلەرىمەن تاعى دا بىرنەشە تۇزەتۋلەردى ءتۇسىندىرىپ، تالقىلاعان ءماجىلىس دەپۋتاتتارى قانات نۇروۆ پەن سىرىم ادامبايەۆ ورتالىق قاتىسۋشىلارىنىڭ جوعارى حاباردار ەكەندىگىن، سونداي-اق ولاردىڭ ءوز اۋلالارىندا جانە قالالىق ءىس-شارالاردا ءتۇسىندىرۋ جۇمىستارىن جۇرگىزۋگە دايىندىعىن اتاپ ءوتتى.
ەستەرىڭىزگە سالا كەتەيىك، بەلسەندى ۇزاق ءومىر ءسۇرۋ ورتالىقتارىنىڭ جاپپاي دامۋى پارتيانىڭ الماتى قالاسى بويىنشا 2025 جىلعا دەيىنگى سايلاۋالدى باعدارلاماسىنا ەندى.