1958 جىلى 8 ناۋرىز كۇنى الماتى ستۋدياسى ارقىلى العاشقى سيگنال بۇكىل ەلگە تارادى
قازاق تەليەۆيزياسىنىڭ 65 جىلدىعىنا وراي ارنايى شارا ءوتىپ جاتىر، دەپ حابارلايدى Almaty-akshamy.kz BAQ. KZ-كە سىلتەمە جاساپ.
قازاق تەليەۆيزياسى 65 جىلدا حالقىمىزدىڭ اقپارتتىق جانە رۋحاني قاجەتىن وتەپ وتىرعان قۋاتتى كۇشكە اينالدى. 1958 جىلى 8 ناۋرىز كۇنى الماتى ستۋدياسى ارقىلى العاشقى سيگنال بۇكىل ەلگە تارادى. تاريحي دەرەكتەرگە سۇيەنسەك، تۇڭعىش قازاق تەلەارناسىنىڭ تىرناقالدى حابارىن تەلەديداردان 4100 رەسپۋبليكا كورەرمەنى تاماشالاعان. وسى ورايدا قازاق تەليەۆيزياسىنىڭ 65 جىلدىعىنا وراي ەل پرەزيدەنتى قاسىم-جومارت توقايەۆ ارنايى قۇتتىقتاۋ جەدەلحاتىن جولدادى.
«قۇرمەتتى "قازاقستان" رەسپۋبليكالىق تەلەراديوكورپوراسياسىنىڭ ۇجىمى! سىزدەردى "قازاقستان" تەلەارناسىنىڭ ەفيرگە شىققانىنا 65 جىل تولۋىمەن قۇتتىقتايمىن! قازاق تەليەۆيزياسىنىڭ قارا شاڭىراعى سانالاتىن ۇلتتىق ارنا - ەلىمىزدەگى بۇقارالىق اقپارات قۇرالدارىنىڭ ىشىندە ەرەكشە ورىن الاتىن مەدياقۇرىلىم. قازاقستان تەلەجۋرناليستيكاسىنىڭ جىلناماسى وسى ارنادان باستاۋ الادى. العاش قۇرىلعان كۇننەن باستاپ حالىققا قىزمەت ەتۋدى ماڭىزدى ميسسياسىنا اينالدىرعان ءۇلتتىق ارنا ۇجىمى بۇل مىندەتىن ابىرويمەن اتقارىپ كەلەدى. ونى باعدارلاماداعى زامانا تىنىسىنان ەمەس، ءتول مادەنيەتىمىزدىڭ اسىل قۇندىلىقتارىن جانە ۇلتىمىزدىڭ ءبىتىم-بولمىسىنان كورۋگە بولادى. تەلەارنانىڭ «التىن قورىندا» ەل شەجىرەسىندەگى تاريحي ساتتەر مەن حالقىمىزدىڭ ءبىرتۋار پەرزەنتتەرىنىڭ بەينەسى ساقتالعان.
بۇگىندە ىرگەلەس مەملەكەتتەرگە دە تازا قازاق تىلىندە حابار تاراتاتىن تەلەارنا ۇلتتىڭ رۋحاني تۇتاستىعىن ساقتاۋعا زور ۇلەس قوسىپ وتىر. "قازاقستان" - قازاق تەلەجۋرناليستيكاسىنىڭ ۇلاعاتتى ۇستاحاناسى. تەليەۆيزيا سالاسىنىڭ كوپتەگەن مايتالمانى ۇلتتىق ارنادان شىڭدالىپ شىققانى بارشاعا بەلگىلى. وسى ورايدا جاس ۇرپاققا تاجىريبەسىن ۇيرەتىپ، تاعىلىمدى تاربيە بەرىپ جۇرگەن اعا بۋىن وكىلدەرىنە شىنايى ريزاشىلىعىمدى بىلدىرگىم كەلەدى. تەلەارنا جۋرناليستەرى ءاردايىم ەل مۇددەسى ءۇشىن ەڭبەك ەتە بەرەدى دەپ سەنەمىن»، - دەلىنگەن مەملەكەت باسشىسىنىڭ قۇتتىقتاۋ حاتىندا.