Oxford Insights cاراپشىلارىنىڭ مالىمەتىنشە، 2023 جىلى قازاقستان ۇكىمەتى جاساندى ينتەللەكت تەحنولوگيالارىن ەنگىزۋگە دايىندىعى بويىنشا 193 ەلدىڭ ىشىندە 72-ورىنعا يە بولدى. ساراپشىلار سونداي-اق جي ەنگىزۋدى قيىنداتاتىن بىرنەشە كەدەرگىنى اتادى.
Oxford Insights ساراپشىلارىنىڭ اتاپ وتۋىنشە، ينتەرنەت جانە سيفرلاندىرۋدىڭ جوعارى دەڭگەيى قازاقستاندا جي-دى ءساتتى ەنگىزۋدىڭ نەگىزگى فاكتورلارىنا اينالۋى مۇمكىن. دەگەنمەن، ءبىرقاتار كەدەرگىلەر بار:
* زاماناۋي ينفراقۇرىلىمنىڭ جانە جي ءۇشىن جەتكىلىكتى ەسەپتەۋ قۋاتىنىڭ بولماۋى؛
* جي ونىمدەرىنىڭ تەحنيكالىق قاۋىپسىزدىك ستاندارتتارىنىڭ بولماۋى، بۇل ساراپتاما جۇرگىزۋدە قيىندىقتار تۋعىزادى؛
* دەرەكتەرگە قول جەتكىزۋدىڭ قيىنداتىلۋى؛
* ينتەرنەت ساپاسىنىڭ تومەن بولۋى؛
* عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى دامىتۋدىڭ بەلسەندى ۇلتتىق ينستيتۋتىنىڭ بولماۋى؛
* الەۋەتتى كليەنتتەر اراسىندا جي ونىمدەرىنە تومەن سۇرانىس جانە تەحنولوگياعا ساقتىقپەن قاراۋ.
ساراپشىلار سونداي-اق تەحنولوگيالاردان تىم كوپ نارسە كۇتىلەتىنىن، بۇل بولاشاقتا قارجىلاندىرۋدىڭ قىسقارۋىنا جانە ينۆەستيسيالاردىڭ جىلىستاۋىنا اكەلۋى مۇمكىن ەكەنىن اتاپ ءوتتى.