بارلىق وڭىرلەردىڭ تۇتىنۋشىلارىنا جارىق قايتا بەرىلدى.
قازاقستاندا ارنايى كوميسسيا قۇرىلدى. بۇل كوميسسيا وڭتۇستىك وڭىرلەردە ەلەكتر ەنەرگياسىن ءوشىرۋ سەبەپتەرىن تەكسەرەدى، دەپ حابارلايدى Almaty-akshamy.kz.
«قازاقستان رەسپۋبليكاسى ەنەرگەتيكا ۆيسە-مينيسترىنىڭ باسشىلىعىمەن وڭتۇستىك وڭىرلەردىڭ تۇتىنۋشىلارىن ەلەكترمەن جابدىقتاۋعا سەبەپ بولعان «كەGOC» اق ەلەكتر جەلىلەرىندە تەحنولوگيالىق بۇزۋشىلىقتىڭ تۋىنداۋى جانە دامۋ سەبەپتەرى مەن شارتتارىن وبەكتيۆتى جانە جان-جاقتى انىقتاۋ ماقساتىندا ارنايى كوميسسيا قۇرىلدى»، - دەلىنگەن ق ر ەنەرگەتيكا مينيسترلىگى باسپا ءسوز قىزمەتىنىڭ حابارلاماسىندا.
تەكسەرىس ناتيجەلەرى بويىنشا ورىن العان تەحنولوگيالىق بۇزۋشىلىقتارعا الداعى ۋاقىتتا جول بەرمەۋ، سونداي-اق قازاقستان رەسپۋبليكاسىنىڭ ءبىرىڭعاي ەلەكتر ەنەرگەتيكاسى جۇيەسىنىڭ جۇمىس ىستەۋ تۇراقتىلىعىن ارتتىرۋ جونىندەگى ۇيىمداستىرۋشىلىق جانە تەحنيكالىق ءىس-شارالار ازىرلەنەتىن بولادى.
ەستەرىڭىزگە سالا كەتەيىك، 25 قاڭتاردا الماتى، جامبىل، تۇركىستان، قىزىلوردا وبلىستارىندا جانە الماتى مەن شىمكەنت قالالارىندا ەلەكتر ەنەرگياسى اپاتتىق جاعدايدا اجىراتىلىپ، سول كۇنى ساعات 16.00-دە قازاقستاننىڭ وڭتۇستىك ايماعىنىڭ بارلىق وڭىرلەرىنىڭ تۇتىنۋشىلارىنا جارىق قايتا بەرىلدى.