كادەگە جاراتۋ جونىندەگى جۇمىس توبىنىڭ ەكىنشى وتىرىسى ءوتتى

شارا بارىسىندا قاتىسۋشىلاردىڭ ۇسىنىستارى تىڭدالدى.

بۇگىن «اتامەكەن» ق ر ۇكپ الاڭىندا ونلاين رەجيمدە كولىك قۇرالدارى ءۇشىن (جەڭىل اۆتوموبيل، جۇك كولىكتەرى، رەكرەاسيالىق جانە ارنايى تەحنيكا) كادەگە جاراتۋ الىمىنىڭ مولشەرلەمەلەرىن (كوەففيسيەنتتەرىن) قايتا قاراۋ جونىندەگى جۇمىس توبىنىڭ ەكىنشى وتىرىسى ءوتتى، دەپ حابارلايدى Almaty-akshamy.kz.

«وتىرىسقا جۇمىس توبىنىڭ مۇشەلەرىنەن باسقا قاۋىمداستىقتاردىڭ، وداقتار مەن بيزنەستىڭ، سونداي-اق «كادەگە جاراتۋ الىمىنا جول جوق» قوعامدىق قوزعالىسىنىڭ، قارجى، ۇلتتىق ەكونوميكا، يندۋستريا مينيسترلىكتەرىنىڭ وكىلدەرى دە قاتىستى»، - دەلىنگەن ەكولوگيا مينيسترلىگىنىڭ باسپا ءسوز قىزمەتىنىڭ حابارلاماسىندا.

وتىرىس بارىسىندا قاتىسۋشىلاردىڭ ۇسىنىستارى ايتىلدى. ولار مەملەكەتتىك ورگانداردىڭ قۇزىرەتى بويىنشا قارالاتىن بولادى. قابىلدانعان شەشىمدەر قاراۋ ناتيجەلەرى بويىنشا جاريالاناتىن بولادى.

جۇمىس توبىنىڭ كەلەسى وتىرىسى 2022 جىلعى 27 قاڭتاردا ساعات 11:00-دە وتەدى. بۇل كۇنگى وتىرىس كابەلدىك-وتكىزگىش ءونىمى ءۇشىن كادەگە جاراتۋ الىمىنىڭ مولشەرلەمەلەرىن (كوەففيسيەنتتەرىن) قايتا قاراۋ ماسەلەسىنە ارنالماق.