قازاقستان جاز ايلارىندا جانار-جاعارماي تاپشىلىعىن بولدىرماۋ ءۇشىن رەسەيدەن يمپورتتاۋعا ءماجبۇر بولۋى مۇمكىن. بۇعان سەبەپ – 16 ماۋسىم مەن 28 شىلدە ارالىعىندا پاۆلودار مۇناي-حيميا زاۋىتىنىڭ (پمحز) جوسپارلى جوندەۋ جۇمىستارىنا بايلانىستى ءوندىرىستى ۋاقىتشا توقتاتۋى، دەپ حابارلايدى aqshamnews.kz.
Reuters مالىمەتىنشە، پمحز-نىڭ توقتاۋىنا وراي ەلدەگى جانار-جاعارماي ءوندىرىسى تومەندەيدى:
ديزەل وتىنى: ماۋسىمدا 16%-عا، شىلدەدە 31%-عا ازايادى؛
اۆتوكولىك بەنزينى: ماۋسىمدا 16%-عا، شىلدەدە 20%-عا كەميدى؛
اۆياسيالىق كەروسين: ماۋسىمدا 20%-عا، شىلدەدە 36%-عا ازايادى.
رەسەيمەن جاسالعان ۇكىمەتارالىق كەلىسىم اياسىندا جانار-جاعارمايدى باجسىز يمپورتتاۋ مۇمكىن بولعانىمەن، ونىڭ باعاسى قازاقستان ىشىندەگى باعادان جوعارى. ناتيجەسىندە، يمپورتتاۋشى – «قازمۇنايگاز» ۇلتتىق كومپانياسى – وتىندى شىعىنمەن ساتۋعا ءماجبۇر بولادى. بۇعان ۇقساس جاعداي وتكەن جىلدىڭ قازان ايىندا اتىراۋ مۇناي وڭدەۋ زاۋىتى ۇزاققا سوزىلعان جوندەۋدە بولعان كەزدە دە ورىن العان.