الماتىدا قىلمىستىق احۋال تۇراقتى.
بۇل تۋرالى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ ءمالىم ەتتى، دەپ حابارلايدى aqshamnews.kz.
پد باستىعىنىڭ ايتۋىنشا، وتكەن جىلى قالادا قىلمىس سانى 10،3%-عا تومەندەگەن. جەڭىل جانە ورتاشا اۋىرلىقتاعى قىلمىس سانى – 22،9%، زورلاۋ – 11،1%، توناۋ – 29،3%، بوتەننىڭ مۇلكىن ۇرلاۋ – 33،2%، كولىك ۇرلاۋ – 16،7%، سونداي-اق كامەلەتكە تولماعاندار جاساعان قىلمىس سانى 9،4% ازايعان.
– جالپى العاندا، قالاداعى قىلمىستىق احۋال تۇراقتى جانە باقىلاۋدا: قىلمىستى اشۋدىڭ تيىمدىلىگى ارتتى. بيىلعى جىلى اتقارىلعان ءبىرقاتار شارا قىلمىستىڭ ازايۋىنا ىقپال ەتتى. ءبىز ەلىمىزدىڭ ىشكى ىستەر مينيسترلىگى جانە اكىمدىكتىڭ قولداۋىمەن قالا تۇرعىندارى مەن قوناقتارى وزدەرىن جايلى ءارى ءقاۋىپسىز سەزىنۋى ءۇشىن بارلىق شارانى قولدانىپ جاتىرمىز، – دەدى ارىستانعاني زاپپاروۆ.