ەل تۇرعىندارى تابىسىنىڭ جارتىسىن ازىق-تۇلىككە جۇمسايدى

ءتورت وڭىردە حالىقتىڭ شىعىسى كىرىسىنەن جوعارى.

قازاقستاندىقتاردىڭ شىعىندارى جان باسىنا شاققاندا ورتاشا ەسەپپەن العاندا 225،3 مىڭ تەڭگە. بۇل – حالىقتىڭ ورتاشا تابىسىنىڭ 94،6%-ى، دەپ حابارلايدى Almaty-akshamy.kz.

شىعىس كىرىستەن اسىپ تۇسەتىن ءتورت ءوڭىر بار: الماتى قالاسى (10،6%-عا)، سونداي-اق الماتى (10%-عا)، جەتىسۋ (9،9%-عا) جانە تۇركىستان (5،4%-عا) وبلىستارى.

حالىق شىعىنىنىڭ 51،4%-ى نەمەسە 115،8 مىڭ تەڭگەسى بىردەن ەڭ قاجەتتى ازىق-تۇلىك تاۋارلارىنا باعىتتالدى. ال ەلىمىزدىڭ ءتورت وڭىرىندە – ماڭعىستاۋ، الماتى، تۇركىستان جانە جامبىل وبلىستارىندا ازىق-تۇلىككە جۇمسالعان قاراجات شىعىستاردىڭ 60%-دان استامىن قۇرايدى.

بۇل وبلىستاردا تۇرعىن ۇيمەن قامتۋ كورسەتكىشى دە تومەن. 2021 جىلدىڭ قورىتىندىسى بويىنشا ءتىزىمدى جامبىل، تۇركىستان جانە الماتى (قازىرگى ۋاقىتتا الماتى جانە جەتىسۋعا بولىنگەن) وبلىستارى باستايدى.

بۇل وڭىرلەردىڭ تۇرعىندارى ءۇشىن، سونداي-اق، نەگىزىنەن، سالىستىرمالى تۇردە تابىسى تومەن بارلىق قازاقستاندىق ءۇشىن تۇرعىن ءۇي ماسەلەسىن شەشۋدىڭ ۋاقىت سىنىنان وتكەن نۇسقاسى – تۇرعىن ءۇي جيناقتارى جۇيەسى. 

سونىمەن قاتار جالاقىسى تومەن قازاقستاندىقتار كوممەرسيالىق بانكتەردىڭ ستاندارتتى يپوتەكالىق باعدارلامالارىن الا المايدى: نەسيەلىك قاراجات بانكتەردىڭ مولشەرلەمەلەرىن ەسەپكە العاندا تىم قىمباتقا تۇسەدى. تۇرعىن ءۇي قۇرىلىسى جيناقتارى تابىسى تومەن بولسا دا جۇيەلى تۇردە قاراجات جيناۋعا، سودان كەيىن قولايلى مولشەرلەمە بويىنشا نەسيە الۋعا كومەكتەسەدى. بۇل قۇرال ءقازىر بارلىعىنا دەرلىك قولجەتىمدى.