قازاقستاندا جاڭا جۇرگىزۋشى كۋالىگىن الۋ ءۇشىن ەندى سمارتفوندى پايدالانۋعا بولادى. بۇل ونلاين-قىزمەت eGov Mobile قوسىمشاسىندا قولجەتىمدى، دەپ حابارلايدى aqshamnews.kz
ەگەر ءسىزدىڭ جۇرگىزۋشى كۋالىگىڭىزدىڭ مەرزىمى وتسە، ونى ۇرلاپ العان بولسا نەمەسە جوعالتقان بولساڭىز، نە پاسپورت مالىمەتتەرىڭىز وزگەرسە، وسى قىزمەتتى پايدالانا الاسىز. جاڭارتىلعان اقپاراتقا سايكەس، سەرۆيس ىسكە قوسىلعاننان بەرى 7 مىڭنان استام ادام بۇل مۇمكىندىكتى پايدالانعان.
جاڭا جۇرگىزۋشى كۋالىگىن الۋ ءۇشىن قاجەت:
- ءسىزدىڭ فوتوسۋرەتىڭىز جانە قولتاڭبانىڭ ۇلگىسى؛
- ۇيالى تەلەفون ءنومىرى؛
- 4،9 مىڭ تەڭگە مەملەكەتتىك باجدى تولەۋ.
بارلىق راسىمدەر اياقتالعاننان كەيىن، جاڭا كۋالىكتى ەلدى مەكەنىڭىزدەگى حالىققا قىزمەت كورسەتۋ ورتالىعىنان (سون) الىپ كەتۋگە بولادى.
بۇل جاڭاشىلدىق ازاماتتارعا جۇرگىزۋشى كۋالىگىن الۋ پروسەسىن جەڭىلدەتىپ، ۋاقىتتى ۇنەمدەۋگە مۇمكىندىك بەرەدى.