ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ ۇكىمەت وتىرىسىندا سۇڭقار تەكتەس يتەلگى قۇسىنىڭ سانىن زەرتتەۋ بويىنشا ەكى عىلىمي-تەحنيكالىق باعدارلاما ازىرلەگەنىپ جاتقانىن ايتتى، دەپ حابارلايدى aqshamnews.kz.
ونىڭ ايتۋىنشا، يتەلگىنىڭ قازىرگى سانىن زەرتتەۋ جانە ونى قورشاعان ورتاعا جىبەرۋدىڭ تيىمدىلىگىن باعالاۋ ءۇشىن 2025-2027 جىلدارعا ارنالعان ەكى عىلىمي-تەحنيكالىق باعدارلاما ازىرلەندى.
«قازىرگى ۋاقىتتا ءبىز جوعارى عىلىمي-تەحنيكالىق كوميسسيانىڭ وتىرىسىندا وسى باعدارلامالاردىڭ قارالۋىن كۇتۋدەمىز، سودان كەيىن رەسپۋبليكالىق بيۋدجەتتىك كوميسسيانىڭ قاراۋىنا شىعارىلادى. بۇعان قوسا، سۇڭقار پوپۋلياسياسىن ءتيىمدى قالپىنا كەلتىرۋ ءۇشىن جەك-دۋاداق ۇلگىسىندە يتەلگىنى ءوسىرۋ ورتالىعىن قۇرۋ قاجەت. قازىرگى ۋاقىتتا ءبىز بۇل ماسەلەنى حالىقارالىق سەرىكتەستەرمەن بىرلەسىپ قاراستىرۋدامىز»، — دەدى ەرلان نىسانبايەۆ.