المالى اۋدانى №147 گيمنازيادا كەڭەس وداعىنىڭ باتىرى ءاليا مولداعۇلوۆا مەن حالىق قاھارمانى راحىمجان قوشقاربايەۆتىڭ تۋعانىنا -100 جىل تولۋىنا وراي اۋداندىق «وتان داۋىسى» اتتى اسكەري-پاتريوتتىق اندەر بايقاۋى ءوتتى. سۇم سوعىس سالعان لاڭ مەن جۇرەكتەگى جارانى بالاۋسا ونەرپازدار شىنايى جەتكىزدى. انانىڭ ساعىنىشى، بالانىڭ اكەنى اڭساۋى بايقاۋدىڭ نەگىزگى قازىعىنا اينالدى. اۋدان مەكتەپتەرىنىڭ وقۋشىلارى پاتريوتتىق اندەر شىرقاپ، ءوز ەلىنە دەگەن سۇيىسپەنشىلىك سەزىمدەرىن ءبىلدىردى.
«ءبىز بۇگىنگى ۇرپاق بەيبىت ءومىر، الاڭسىز كۇلكى، تىنىش ۇيقىنى ارماندايمىز. سول ءۇشىن اسپانىمىز اشىق، ءومىرىمىز تىنىش بولسا ەكەن دەيمىز. ءبىزدىڭ تىلەگىمىز دە، ماقساتىمىز دا-بەيبىتشىلىك» دەپ شىرقاعان بالالاردىڭ ءانى كوك اسپاندا قالىقتادى.
