ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ ۇكىمەت وتىرىسىندا قابىلدانعان كۇش-جىگەردىڭ ارقاسىندا قازاقستاندا قار بارىستارىنىڭ سانىن 2 ەسەدەن استامعا كوبەيىپ، 180 باسقا جەتكەنىن ءمالىم ەتتى، دەپ حابارلايدى aqshamnews.kz
ول رەسپۋبليكادا قار بارىستارىنىڭ سانىن قالپىنا كەلتىرۋ بويىنشا ءبىرقاتار كەشەندى شارالار قابىلدانعانىن، نەگىزگى مەكەندەۋ ورىندارىندا 3،6 ملن گا الاڭدا ەرەكشە قورعالاتىن تابيعي اۋماقتار قۇرىلعانىن (ىلە الاتاۋى، كولساي كولدەرى، التىنەمەل، سايرام-وگەم، جوڭعار الاتاۋى، شارىن، تارباعاتاي، كاتونقاراعاي مۇتپ، قاراتاۋ جانە باتىس التاي متق جانە باسقا قورىقتار) اتاپ ءوتتى، ءقازىر بارىستار مەكەندەيتىن جەرلەردىڭ شامامەن 70%-ى ەقتا رەتىندە قورعالعان. ەسەپكە الۋ جانە مونيتورينگ جۇرگىزۋدىڭ زاماناۋي ادىستەرى، فوتوتۇزاقتار مەن سپۋتنيكتىك تەلەمەتريا بەلسەندى قولدانىلادى. 11 بارىس سپۋتنيكتىك ارنايى مويىن قارعىسىمەن تاڭبالاندى، الداعى ۋاقىتتا ەرەكشە قورعالاتىن تابيعي اۋماقتار جەلىسىن جەتىلدىرۋ جوسپارلانىپ وتىر.
«قار بارىستارىن قورعاۋ جانە مونيتورينگ جۇرگىزۋ بويىنشا قابىلدانعان شارالاردىڭ ناتيجەسىندە ولاردىڭ سانى 90-شى جىلدارداعى ەڭ تومەنگى دەڭگەيدەن (80-100 باس) ەكى ەسەگە ارتىپ، 180 باسقا دەيىن جەتتى. جانۋاردىڭ بۇل ءتۇرىن ساقتاپ قالۋ جۇمىستارى جالعاسۋدا، ترانسشەكارالىق جانە حالىقارالىق ىنتىماقتاستىق بەلسەندى دامۋ ۇستىندە»، — دەپ اتاپ ءوتتى ەرلان نىسانبايەۆ.