بۇگىن، 2024 جىلى قازاقستاندا IT-سالا قىزمەتكەرلەرى وزدەرىنىڭ كاسىبي مەرەكەلەرىن اتاپ وتۋدە، دەپ حابارلايدى aqshamnews.kz.
قازىرگى زامانعى IT-تەحنولوگيالار ەلىمىزدە بارلىق سالادا كەڭىنەن قولدانىلىپ، قوعامدىق ءومىردىڭ اجىراماس بولىگىنە اينالدى. قازاقستاننىڭ IT سالاسىنداعى جەتىستىكتەرى حالىقارالىق دەڭگەيدە جوعارى باعالانىپ وتىر. مىسالى، بۇۇ ەلەكتروندىق ۇكىمەتىنىڭ الەمدىك رەيتينگىندە قازاقستان 24-ورىندى يەلەنسە، ونلاين-قىزمەتتەر يندەكسى (OSI) بويىنشا 10-ورىنعا تۇراقتاعان.
2023 جىلى قازاقستاندا ونلاين رەجيمدە 50 ميلليوننان استام مەملەكەتتىك قىزمەت كورسەتىلگەن، ونىڭ 92%-ى تۇرعىندار ءۇشىن ۇيدەن شىقپاي-اق قولجەتىمدى بولدى. سونىمەن قاتار، egov ءموبيلدى قوسىمشاسىن اي سايىن شامامەن 4،6 ميلليون ادام پايدالانادى.
بۇل ناتيجەلەر – وتاندىق IT ماماندارىنىڭ ەرەن ەڭبەگىنىڭ ناتيجەسى. ولاردىڭ ارقاسىندا ءبىز قاشىقتىقتان بايلانىس ورناتىپ، ءبىلىم الىپ، مەملەكەتتىك قىزمەتتەرگە ونلاين قول جەتكىزە الامىز. سونىمەن قاتار، كوپتەگەن پروسەستەردى اۆتوماتتاندىرۋ ەلىمىزدىڭ دامۋىنا جاڭا مۇمكىندىكتەر تۋعىزىپ، ەكونوميكا مەن قوعامنىڭ تيىمدىلىگىن ارتتىرۋدا.
قازاقستاننىڭ IT سالاسى بولاشاقتا دا وسى جەتىستىكتەردى ودان ءارى ارتتىرىپ، الەمدىك ارەنادا جاڭا بەلەستەرگە جەتۋدى ماقسات ەتەدى.