8 قاراشا ساعات 21:40 شاماسىندا ق ر ءىىم ۇلتتىق ۇلاننىڭ 5571 اسكەري ءبولىمىنىڭ اسكەري جاساعى قوعامدىق ءتارتىپتى ساقتاۋ كەزىندە ەسىرتكى جاسىرعان كۇدىكتىنى ۇستادى، – دەپ حابارلايدى aqshamnews.kz
اسكەري جاساق باستىعى قاتارداعى جاۋىنگەر نۇرداۋرەن ايتماعانبەت پەن ءپاترۋلشى قاتارداعى جاۋىنگەرلەر ايبەك بايتۋلەل مەن تيمۋر چابيكوۆ 8-شاعىن اۋداندا قىزمەت اتقارۋ كەزىندە ءوزىن كۇدىكتى ۇستاعان جاس جىگىتتى بايقاعان. بۇل تۋرالى ۇلاندىقتار دەرەۋ اسكەري جاساق بويىنشا كەزەكشىگە حابارلادى. اسكەري قىزمەتشىلەر ونىڭ تۇرعىن ۇيلەردىڭ اۋلاسىنداعى اعاشتاردىڭ اراسىنان بىردەڭە ىزدەپ جاتقانىن بايقادى.
– ول بىزگە كۇدىكتى بولىپ كورىندى. سوسىن وعان جاقىندادىق. كۇدىكتى ازامات قاشۋعا تىرىستى، ءبىراق ءبىز ونى ۇستاپ الدىق. سول جەردەن ەرەكشە ءيىسى بار ەسىرتكى زاتى تابىلدى، – دەيدى نۇرداۋرەن ايتماعانبەت. ءارى قاراي كۇدىكتى وقيعا ورنىنا كەلگەن پوليسيا قىزمەتكەرلەرىنە بەرىلدى.