قازاقستاندا 2025 جىلدىڭ 1 قاڭتارىنان باستاپ زەينەتاقى، جاردەماقى مەن باسقا دا الەۋمەتتىك تولەمدەر 8،5%-عا ارتتىرىلاتىن بولادى. بۇل وزگەرىستەر 2025-2027 جىلدارعا ارنالعان رەسپۋبليكالىق بيۋدجەتتىك جوبادا كورسەتىلگەن، دەپ حابارلايدى aqshamnews.kz.
2025 جىلدان باستاپ وزگەرەتىن كورسەتكىشتەر:
- ەڭ تومەنگى جالاقى: 85 000 تەڭگە.
- ەڭ تومەنگى مەملەكەتتىك بازالىق زەينەتاقى تولەمى: 32 360 تەڭگە.
- ەڭ تومەنگى زەينەتاقى: 62 771 تەڭگە.
- اەك (ايلىق ەسەپتىك كورسەتكىش): 3 932 تەڭگە.
- ءومىر ءسۇرۋ مينيمۋمىنىڭ مولشەرى: 46 228 تەڭگە.
2024 جىلمەن سالىستىرعاندا:
- ەڭ تومەنگى جالاقى: 85 000 تەڭگە (وزگەرىس جوق).
- ەڭ تومەنگى مەملەكەتتىك بازالىق زەينەتاقى تولەمى: 3 692 تەڭگە.
- ەڭ تومەنگى زەينەتاقى: 57 853 تەڭگە.
- ءومىر ءسۇرۋ مينيمۋمىنىڭ مولشەرى: 43 407 تەڭگە.
- ەڭ تومەنگى مەملەكەتتىك بازالىق زەينەتاقى تولەمى: 28 215 تەڭگە.
بازالىق زەينەتاقى قالاي ەسەپتەلەدى؟
- بازالىق تولەمدى تاعايىنداۋ ءادىسى زەينەتاقى جۇيەسىنە قاتىسۋ وتىلىنە بايلانىستى. 1998 جىلعى 1 شىلدەگە دەيىنگى قىزمەتى جانە وسى كەزەڭنەن كەيىنگى جيناقتالعان ەڭبەك ءوتىلى ەسكەرىلۋگە ءتيىس (2018 جىلعا دەيىن بازالىق زەينەتاقىنىڭ مولشەرى تابىسىنا جانە ەڭبەك وتىلىنە قاراماستان بارلىق زەينەتكەرلەر ءۇشىن بىردەي بولدى).
- زەينەتاقى جۇيەسىندە 20 جىل جۇمىس ءوتىلى بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 74%، 30 جىل - 94% قۇرايدى. 33 جانە ودان دا كوپ جىل ەڭبەك ءوتىلى بولعان جاعدايدا بازالىق زەينەتاقى ەڭ تومەنگى كۇنكورىس دەڭگەيىنىڭ 100 پايىزىن قۇرايدى. اعىمداعى جىلى بازالىق زەينەتاقى تولەمىنىڭ ەڭ تومەنگى مولشەرى – 28 215 تەڭگە، ورتاشا – 42 578 تەڭگە.
-
2024 جىلعى 1 قاڭتاردان باستاپ بازالىق زەينەتاقىنىڭ ەڭ تومەنگى مولشەرى ەڭ تومەنگى كۇنكورىس دەڭگەيىنىڭ 60-تان 65%-عا، ياعني 28 215 تەڭگەگە، ەڭ جوعارى مولشەرى ەڭ تومەنگى كۇنكورىس دەڭگەيىنىڭ 100-دەن 105%-عا، ياعني 45 578 تەڭگەگە ۇلعايتىلدى.
-
2025 جىلى بازالىق زەينەتاقى مولشەرى 28 215 تەڭگەدەن 32 360 تەڭگەگە دەيىن وسەدى.
2025 جىلى الەۋمەتتىك تولەمدەر وسەدى:
-
مۇگەدەكتىگى بار ازاماتتار ءۇشىن الەۋمەتتىك جاردەماقى:
- I توپتاعى مۇگەدەك: 101 702 تەڭگە.
- II توپتاعى مۇگەدەك: 81 362 تەڭگە.
- III توپتاعى مۇگەدەك: 55 474 تەڭگە.
- مۇگەدەك بالالارعا (7 جاسقا دەيىن): 74 428 تەڭگە.
- مۇگەدەك بالالارعا (7-18 جاس): 74 428-101 702 تەڭگە (توپقا بايلانىستى).
2025 جىلدان باستاپ قازاقستاندا الەۋمەتتىك تولەمدەر، ونىڭ ىشىندە زەينەتاقىلار مەن مۇگەدەكتەرگە ارنالعان جاردەماقىلار، ايتارلىقتاي ارتادى. بۇل وزگەرىستەر ەلدەگى الەۋمەتتىك قورعاۋ جۇيەسىنىڭ دامۋىنا ىقپال ەتىپ، حالىقتىڭ ءال-اۋقاتىن جاقسارتۋعا باعىتتالعان.