قازاقستاندا ىشكى تۋريزم قالپىنا كەلتىرىلدى

قازاقستان رەسپۋبليكاسى ۇلتتىق ستاتيستيكا بيۋروسى 21 000 ءۇي شارۋاشىلىعىنا ساپار شىعىندارى بويىنشا جالپىۇلتتىق ستاتيستيكالىق زەرتتەۋ جۇرگىزدى

زەرتتەۋگە سايكەس، 9 ميلليون قازاقستاندىق ساياحات جاساعان. بۇل 2020 جىلمەن سالىستىرعاندا 12،6%، ال كوروناۆيرۋسقا دەيىنگى 2019 جىلمەن سالىستىرعاندا 4،8% ارتىق. شەتەلگە شىققاندار سانى 878،8 مىڭ ادام، بۇل 2020 جىلمەن سالىستىرعاندا 8،3%-عا كوپ، ءبىراق 2019 جىلعى كورسەتكىشپەن سالىستىرعاندا 3،4 ەسە از، دەپ حابارلايدى Almaty-akshamy.kz قازاقپاراتقا سىلتەمە جاساپ. 

قازاقستاندىقتار ەل ىشىندە دە، شەتەلگە دە كوبىنە جەكە ماقساتتا جول جۇرەدى. ماسەلەن، قازاقستاندا 8،5 ميلليون ادام جەكە ماقساتتارىمەن ساپارعا شىقسا، ونىڭ 4،4 ميلليونى دوستارى مەن تۋىستارىنا، 2،3 ميلليونى دەمالىسقا، 753،4 مىڭ ادام دۇكەن ارالاۋعا، ت.ب. بارعان. شەتەلگە بارعاندار اراسىندا 741،4 مىڭ ادام جەكە ماقساتتا ساپارعا شىقسا، ونىڭ 390،9 مىڭى دەمالۋعا، 265،5 مىڭى دوستارى مەن تۋىستارىنا بارعان، 38،4 مىڭ ادام ەمدەۋ-ساۋىقتىرۋ شارالارى ءۇشىن جول ءجۇردى.

527،8 مىڭ قازاقستاندىق ازامات – ەل ىشىندە، 137،5 مىڭ ازامات شەتەلگە ىسكەرلىك جانە كاسىپتىك ماقساتتا بارعان. 2021 جىلى قازاقستاندا ءۇي شارۋاشىلىقتارىنىڭ ساياحاتقا جۇمساعان شىعىنى 524،9 ملرد تەڭگەنى قۇرادى. بۇل 2020 جىلمەن سالىستىرعاندا 31،9%-عا كوپ، ءبىراق 2019 جىلعى كوروناۆيرۋسقا دەيىنگى كەزەڭمەن سالىستىرعاندا 13،1%-عا از. ءۇي شارۋاشىلىعىنىڭ سىرتقى تۋريزم سەگمەنتىندەگى شىعىنى 157،6 ملرد تەڭگەنى قۇراپ، ءبىر جارىم ەسەگە جۋىق وسكەن. الايدا 2019 جىلمەن سالىستىرعاندا، بۇل كورسەتكىش ەكى ەسەگە جۋىق از.