5 ماۋسىمدا كونستيتۋسياعا وزگەرىستەر مەن تولىقتىرۋلار قابىلداۋ ماسەلەسى بويىنشا رەسپۋبليكالىق رەفەرەندۋم وتەدى. قولدانىستاعى نەگىزگى زاڭعا ەنگىزىلەتىن وزگەرىستەر قولدانىستاعى 31 باپقا تۇزەتۋلەردى جانە كونستيتۋسيانى ەكى جاڭا باپپەن تولىقتىرۋدى قامتيدى جانە قولدانىستاعى ساياسي مودەلدى تۇبەگەيلى وزگەرتۋگە باعىتتالعان.
ۇگىت-ناسيحات كەزەڭىنىڭ باستالۋىمەن بىرگە، قازاقستاندىقتاردىڭ الداعى رەسپۋبليكالىق رەفەرەندۋمعا دەگەن كوزقاراسى، قوعامدىق پىكىر ۇنەمى سارالانىپ وتىرادى. ق ر پرەزيدەنتى جانىنداعى ورتالىق كوممۋنيكاسيالار قىزمەتى وتكىزگەن سوڭعى الەۋمەتتىك ونلاين-ساۋالناما ناتيجەلەرى پرەزيدەنت قاسىم-جومارت توقايەۆتىڭ ەل كونستيتۋسياسىنا تۇزەتۋلەر ەنگىزۋ بويىنشا رەفەرەندۋم وتكىزۋ تۋرالى يدەياسىن قولداۋ دەڭگەيىنىڭ ارتقانىن كورسەتتى.
ساۋالناماعا قاتىسقان قازاقستاندىقتاردىڭ 78،52%-ى رەفەرەندۋم بيىلعى جىلدىڭ 5 ماۋسىمىندا وتەتىنىن بىلەدى، ال قازاقستاندىقتاردىڭ 72،01%-ى رەفەرەندۋم وتكىزۋ يدەياسىن قولدايدى. بۇل رەتتە قازاقستاندىقتاردىڭ شامامەن 68،92%-ى داۋىس بەرۋگە بارۋدى جوسپارلاپ وتىر. ءوز تاڭداۋىن ءالى ايقىنداماعاندار – 21،79%. رەفەرەندۋم تۋرالى حاباردار بولۋ كورسەتكىشتەرى 7%-عا، كەلۋ نيەتىنىڭ كورسەتكىشتەرى 2%-دان استام ءوستى.
الەۋمەتتىك زەرتتەۋدى 17-19 مامىردا ق ر پرەزيدەنتى جانىنداعى ورتالىق كوممۋنيكاسيالار قىزمەتى ونلاين-ساۋالناما ادىسىمەن جۇرگىزىلدى. ىرىكتەمەگە 18 جاسقا تولعان جانە ودان اسقان 4000 رەسپوندەنت الىندى.
ساۋالناما ورىندارى رەتىندە نۇر-سۇلتان، الماتى، شىمكەنت قالالارى جانە ەلدىڭ 14 وبلىسى تاڭدالدى. ەسكە سالساق، بۇعان دەيىن رەفەرەندۋم وتكىزۋ تۋرالى يدەيانى قولداۋدىڭ جوعارى دەڭگەيى ق ر پرەزيدەنتى جانىنداعى ورتالىق كوممۋنيكاسيالار قىزمەتى – 62%-دان 73%-عا دەيىن (3-5 مامىر)، ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى (5-10 مامىر) جۇرگىزگەن ساۋالناما ناتيجەلەرىمەن راستالعان بولاتىن، وندا قازاقستاندىقتاردىڭ 76،40%-ى تۇزەتۋلەردى قولداعان، سونداي-اق «قوعامدىق پىكىر» ينستيتۋتى» (3-5 مامىر) جۇرگزىگەن ساۋالناما ناتيجەلەرى ونى قازاقستاندىقتاردىڭ 73،33%-ى قولدايتىنىن كورسەتتى.