ناۋرىز ايىندا ينفلياسيانىڭ جەدەلدەۋى 2016 جىلدان كەيىنگى رەكوردتى كورسەتتى. بۇل تۋرالى ق ر ۇلتىق بانكىنىڭ ءتوراعاسى عالىمجان ءپىرماتوۆ ايتىپ بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ناۋرىزدا قازاقستاندا ينفلياسيا 8،7%-دان 12%-عا دەيىن جەدەلدەپ، 2016 جىلعى قىركۇيەكتەن بەرى ەڭ جوعارى كورسەتكىشكە جەتتى. ازىق-تۇلىك تاۋارلارى ينفلياسياعا ەڭ كوپ ۇلەس قوستى، ولاردىڭ ءوسىمى 10%-دان 15،4%-عا دەيىن جەدەلدەدى. ورامجاپىراق، قانت، كارتوپ، قىزاناق باعاسىنىڭ ايتارلىقتاي وسكەنى بايقالدى»، - دەدى ۇلتتىق بانك ءتوراعاسى ۇكىمەتتىڭ بۇگىنگى وتىرىسىندا.
ناۋرىزدىڭ ءتورتىنشى اپتاسىنىڭ قورىتىندىسى بويىنشا، الەۋمەتتىك ماڭىزى بار ازىق-تۇلىك تاۋارلارىنىڭ باعاسى جىلدىق كورسەتۋدە 18،6%-عا دەيىن وسكەن.
بۇل وسىمگە ناۋرىزدىڭ ەكىنشى اپتاسىندا جەكەلەگەن ازىق-تۇلىك تاۋارلارىنا سۇرانىستىڭ ارتۋى ايتارلىقتاي ۇلەس قوستى.
الەۋمەتتىك ماڭىزى بار ازىق-تۇلىك تاۋارلارى باعاسىنىڭ اپتالىق ءوسۋى ناۋرىزدىڭ سوڭعى اپتاسىندا – 1،3%، ءساۋىردىڭ ءبىرىنشى اپتاسىندا – 0،9% بولىپ تۇراقتاپ جاتىر.