اشىق نورماتيۆتىك-قۇقىقتىق اكتىلەر پورتالىندا ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترىنىڭ حالىققا قىزمەت كورسەتۋ ورتالىقتارىنىڭ جۇمىس كەستەسىنە وزگەرىس ەنگىزۋدى كوزدەگەن بۇيرىعىنىڭ جوباسى جاريالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جاڭا وزگەرىستەردە جۇمىس كەستەسى كەلەسىدەي كورسەتىلگەن: دۇيسەنبىدەن باستاپ جۇمانى قوسا العاندا، ءۇزىلىسسىز ساعات 9.00-دەن 18.00-گە دەيىن؛ كەزەكشى بولىمدەر دۇيسەنبىدەن باستاپ جۇمانى قوسا العاندا، ساعات 9.00-دەن 20.00-گە دەيىن جانە سەنبى كۇنى ساعات 9.00-دەن 13.00-گە دەيىن.
قاجەت بولعان جاعدايدا وتىنىشتەردى قابىلداۋ جانە مەملەكەتتىك كورسەتىلەتىن قىزمەتتەردىڭ دايىن ناتيجەلەرىن بەرۋ: دۇيسەنبىدەن باستاپ جۇمانى قوسا العاندا، ساعات 18.00-دەن 20.00-گە دەيىن جانە سەنبى كۇنى ساعات 9.00-دەن 13.00-گە دەيىن جۇزەگە اسىرىلادى.
ۆەدومستۆونىڭ جۇمىس كەستەسىن قىسقارتۋ جانە حقكو-نىڭ كەزەكشى بولىمدەرىن ەنگىزۋدىڭ ارقاسىندا بيۋدجەت ۇنەمدەلەتىندىگى اتاپ وتىلەدى.
مينيسترلىك مالىمەتىنشە، 2021 جىلعى قاڭتار ايىنداعى جاعدايعا سايكەس قازاقستان رەسپۋبليكاسى بويىنشا حالىققا قىزمەت كورسەتۋ بولىمدەرى قىزمەتكەرلەرىنىڭ شتات سانى 8 967 ادام بولدى. بۇگىنگى تاڭدا وپەراتورلاردىڭ شتاتتىق سانى – 8 379،5 بىرلىكتى، ال ناقتى سانى 7 062،5 بىرلىكتى قۇرايدى.
«مەملەكەتتىك كورپوراسيا قىزمەتكەرلەرىنىڭ سانىن 30 پايىزعا قىسقارتۋ جوسپارلانىپ وتىر. وسىعان بايلانىستى، ەكى اۋىسىمدى جۇمىس كەستەسىنە (ساعات 9:00-دەن 18:00-گە دەيىن جانە ساعات 11.00-دەن 20.00-گە دەيىن) كوشۋدى ورىنسىز دەپ سانايمىز. ءىس جۇزىندە 9:00-دەن 18:00-گە دەيىن جۇمىس كەستەسىنە اۋىسۋ وڭ ديناميكانى كورسەتىپ وتىر. اتالعان وزگەرىس قىزمەتكەرلەردى ءبىر اۋىسىمدىق جۇمىس كەستەسىنە اۋىستىرۋعا جانە كەسىمدى جالاقى تولەۋ جۇيەسىن ەنگىزۋگە، ناتيجەسىندە قىزمەتكەرلەردىڭ جوعارى جۇمىس قابىلەتتىلىگىن قامتاماسىز ەتۋگە مۇمكىندىك بەرەدى»، - دەپ اتاپ وتەدى ۆەدومستۆودان.