ۇلتتىق ستاتيستيكا بيۋروسى قازاقستاندا تۇراتىن ادامدار سانى تۋرالى ناقتىلانعان مالىمەتتەردى ۇسىندى.
ۆەدومستۆونىڭ مالىمەتىنشە، 2023 جىلدىڭ 1 شىلدەسىندە ەل حالقىنىڭ سانى 19 ميلليون 899 مىڭ 377 ادامدى قۇرادى، دەپ حابارلايدى Almaty-akshamy.kz.
ەلىمىزدە 12،3 ميلليون ادام قالادا، 7،5 ميلليون ادام اۋىلدىق مەكەندەردە تۇرادى.
جىل باسىنان بەرى حالىق سانى 132 مىڭ ادامعا ءوستى، ونىڭ 125 مىڭى – تابيعي ءوسىم ەسەبىنەن (تۋىلعاندار سانى ولگەندەر سانىنان اسىپ ءتۇستى)، 6،6 مىڭ ادام – كوشى-قوننىڭ وڭ سالدوسى.
وڭىرلەر اراسىندا ەڭ كوپ حالىق سانى الماتى قالاسىندا – 2 191 314 ادام. حالىق سانى بويىنشا تۇركىستان وبلىسى ودان كەيىنگى ورىندا – 2 133 559 ادام، الماتى وبلىسى 1 518 282 اداممەن العاشقى ۇشتىكتى تۇيىندەپ تۇر.
استانا حالىق سانى بويىنشا ءتورتىنشى ورىندا – 1 383 291 ادام، جامبىل وبلىسى بەسىنشى ورىندا – 1 222 257 ادام.
ايتا كەتەيىك، قازاقستان حالقى 2022 جىلى 261 845 ادامعا ءوستى.