ەلدە تاعى قانت تاپشىلىعى بولا ما؟
پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك ءجۇمانعاريننىڭ ايتۋىنشا، بۇعان كورشى ەلدەگى جاعداي اسەر ەتپەك. ويتكەنى ءبىزدىڭ نارىق رەسەي قانتىنا تاۋەلدى ەكەنى بەلگىلى. ەل ازاماتتارى تۇتىناتىن ءتاتتى ءونىمنىڭ 75 پايىزى سول جاقتان جەتكىزىلەدى. ال وزىمىزدە شىعارىلاتىن قانت جەتپەيدى، دەپ حابارلايدى Almaty-akshamy.kz.
سوندىقتان كورشى ەلدە باعا كوتەرىلسە، قازاقاستاندىقتاردىڭ دا قالتاسىن قاقپاي قويمايدى دەيدى مينيستر. ءقازىر ەلىمىزدە بۇل تاۋاردىڭ باعاسى ءارتۇرلى. كەلىسى 500-دەن 760 تەڭگەگە دەيىن ساتىلادى. ايتا كەتەيىن، بىلتىر رەسەي قانت ەكسپورتىن توقتاتىپ، بىزدە تاپشىلىق بولعان ەدى.