ادامي كاپيتال
ەلىمىزدە عىلىمعا قابىلەتتى بالالاردىڭ تالانتىن اشۋعا ارنالعان باعدارلاما ازىرلەۋ تاپسىرىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«وتاندىق جوعارى مەكتەپ پەن عىلىمنىڭ بىرگە دامۋى مەملەكەتىمىزدىڭ باسەكەگە قابىلەتتىلەگىن ارتتىرىپ، ەل ەكونوميكاسىنىڭ قارىشتاپ وسۋىنە ىقپال ەتۋى ءتيىس. بۇل ءبىزدىڭ الدىمىزعا قويىلعان باستى مىندەت. بۇل مىندەتتى ىسكە اسىرۋدا بىلىكتىلىگى جوعارى ماماندار دايارلاۋدىڭ ماڭىزى ۇلكەن. حالىقارالىق ساراپشىلاردىڭ پىكىرىنشە، زاماناۋي 4ء-شى دەڭگەيلى يندۋستريانى دامىتۋ 68% ساپالى ادامي كاپيتالعا بايلانىستى. سونىمەن قاتار 16%-ى ينفراقۇرىلىمعا جانە 12%-ى عانا شيكىزاتقا تاۋەلدى»، - دەدى ەرالى توعجانوۆ «ادامي كاپيتال – جاڭا قازاقستان دامۋىنىڭ نەگىزگى رەسۋرسى» اتتى عىلىم جانە جوعارى ءبىلىم فورۋمىندا.
ونىڭ ايتۋىنشا، ۇكىمەت ەل ەكونوميكاسىنا قاجەتتى مامانداردى دايارلاۋ باعىتىندا كەشەندى شارانى ىسكە اسىرىپ جاتىر.
«عىلىممەن اينالىساتىن كادرلاردى ءتيىمدى مولايتۋ ءۇشىن عىلىمي قىزمەتكە بەيىم بالالاردى ىرىكتەۋدىڭ ۇزدىكسىز كوپ دەڭگەيلى جۇيەسىن ازىرلەۋدى تاپسىرامىن. تالانتتاردى ىرىكتەۋدىڭ مۇنداي جۇيەسى ونەر سالاسىندا بۇرىننان ءساتتى قولدانىلىپ كەلەدى. بولاشاق ءانشى، بالەت ارتىستەرىن، رەجيسسەرلەردى، مۋزىكانتتاردى باۋلۋ ورتا مەكتەپتە باستالىپ، مامانداندىرىلعان كوللەدجدەر مەن ۋنيۆەرسيتەتتەردە جالعاسىن تابادى. الەۋەتتى عالىمداردىڭ جاڭا بۋىنىن قالىپتاستىرۋ ءۇشىن تالانتتاردى، ولاردىڭ جۇمىسىن زەرتتەۋ قاجەت»، - دەيدى ول.
سونداي-اق، ە. توعجانوۆ دارىندى وتاندىق جانە شەتەلدەن تارتىلاتىن عالىمداردىڭ اقپاراتتىق بازاسىن قۇرۋ قاجەتتىگى تۋرالى ايتتى.
بۇعان دەيىن بيىل سقو-دا تۇلەكتەردىڭ 64% وتاندىق وقۋ ورىندارىن تاڭداعانى تۋرالى حابارلاعان ەدىك. ق ر پرەمەر-مينيستردىڭ ورىنباسارى ءبىلىمدى قوعام مادەنيەتىن قالىپتاستىرۋ تۇجىرىمداسىن ازىرلەۋدى تاپسىردى.
ودان بولەك، قازاقستاندا حالىقارالىق دەڭگەيدەگى پەداگوگ ماماندار دايارلاناتىنى ايتىلدى.