ءاليحان سمايىلوۆ ەۋرازيالىق ۇكىمەتارالىق كەڭەستىڭ وتىرىسىنا قاتىسۋ ءۇشىن قىرعىز رەسپۋبليكاسىنا جۇمىس ساپارىمەن كەلدى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
سونىمەن قاتار شاراعا ارمەنيانىڭ ۇكىمەت باسشىسى نيكول پاشينيان، بەلارۋس پرەمەر-مينيسترى رومان گولوۆچەنكو، قىرعىز رەسپۋبليكاسى مينيسترلەر كابينەتىنىڭ ءتوراعاسى اقىلبەك جاپاروۆ، رەسەيدىڭ ۇكىمەت باسشىسى ميحايل ميشۋستين قاتىسىپ جاتىر.
شاعىن قۇرامدا وتىرىسقا قاتىسۋشىلار ەاەو ورتاق گاز نارىعىن قالىپتاستىرۋ، ونەركاسىپ كووپەراسياسى، الكوگول نارىعىن رەتتەۋ جانە ەلەكتروندىق ساۋدا كەزىندە سالىق سالۋ ماسەلەلەرىن تالقىلادى.
ودان بولەك، ەۋرازيالىق قايتا ساقتاندىرۋ كومپانياسىن قۇرۋ تۋرالى كەلىسىم جوباسى، كولىك سالاسىنداعى باسىمدىققا يە ينفراقۇرىلىمدىق جوبالار تىزبەسى، ەاەو-نىڭ ىشكى نارىعىنداعى كەدەرگىلەردى جويۋ جونىندەگى جۇمىس بارىسى، سونداي-اق ءوزارا ساۋدا كەزىندە ۇلتتىق ۆاليۋتالاردى پايدالانۋدى كەڭەيتۋ جونىندەگى شارالار قارالدى.
سونىمەن قاتار ق ر پرەمەر-مينيسترى دەلەگاسيا باسشىلارىمەن بىرگە قىرعىز رەسپۋبليكاسىنىڭ پرەزيدەنتى سادىر جاپاروۆپەن كەزدەسۋگە قاتىستى.
شولپان-اتادا ەاەو ەلدەرىنىڭ ۇكىمەت باسشىلارى ورتاق گاز نارىعىن قۇرۋ ماسەلەسىن تالقىلادى
- اۆتور Almaty-akshamy
- 14:02، 25 تامىز 2022
سۋرەت: Primeminister.kz