قازاقستاندا گەولوگيالىق بارلاۋعا ينۆەستيسيا تارتۋ جوسپارلانۋدا

ەلىمىزدە جەر قويناۋىن پايدالانۋعا ينۆەستيسيالار تارتۋدا

ۇلتتىق ەكونوميكا جانە قارجى مينيسترلىكتەرى جەر قويناۋىن پايدالانعانى ءۇشىن بالامالى سالىق رەجيمىن، جەر سالىعى مەن مۇلىك سالىعىن تولەۋدەن بوساتۋ جانە باسقا دا پرەفەرەنسيالار بەرۋدى قاراستىرۋدا، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

سونىمەن قاتار، گەولوگيالىق بارلاۋ جۇمىستارىنىڭ ينۆەستيسيالىق تارتىمدىلىعىن ارتتىرۋ ءۇشىن ەلىمىزدىڭ ەنەرگەتيكا مينيسترلىگى جاڭا تەتىك – تەڭىز جوبالارىنا، كۇردەلى قۇرلىق جانە گاز جوبالارىنا قولدانىلاتىن جەتىلدىرىلگەن ۇلگىلىك كەلىسىمشارتىن ەنگىزۋدە.

سونداي-اق، ەلىمىزدىڭ «جەر قويناۋى جانە جەر قويناۋىن پايدالانۋ تۋرالى» كودەكسىنە وزگەرىستەر ەنگىزۋدى جوسپارلاپ وتىر. سوڭعى ەكى جىلدا گەولوگيالىق بارلاۋعا 173 ميلليارد تەڭگەگە جۋىق ينۆەستيسيا قۇيىلعان. ال 2018 جىلدان بەرى شامامەن 7 ترلن قاراجات تارتىلعان.

ايتا كەتەيىك، قازاقستاندا جىل سايىن 39 ملن تونناعا جۋىق تەمىر رۋداسى، ءبىر جارىم ميلليون تونناعا جاقىن اليۋمينيي توتىعى، سونداي-اق، 3 ميلليون توننا شاماسىندا مىس پەن 193 مىڭ توننا قورعاسىن كونسەنتراتى وندىرىلەدى.