قازاقستانداعى ەنەرگيا ۇنەمدەيتىن كوشە شامدارىنىڭ ۇلەسى 55 پايىزدى قۇرايدى

ەكونوميكالىق تيىمدىلىك 1،3 ملن دوللاردى قۇرادى.

قازاقستاندا 2022-2026 جىلدارعا ارنالعان ەنەرگيا ۇنەمدەۋ جانە ەنەرگيا تيىمدىلىكتى ارتتىرۋ جول كارتاسى جاسالدى.بۇل تۋرالى "ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى" اق باسقارما ءتوراعاسى باۋىرجان سماعۇلوۆ ايتتى، دەپ حابارلايدى Almaty-akshamy.kz. 

«جول كارتاسى ەنەرگەتيكا، ونەركاسىپ، بيۋدجەت، عيماراتتار مەن كولىك سەكتورلارىنىڭ، سونداي-اق ەلىمىزدەگى وڭىرلەرىنىڭ كورسەتكىشتەرىن ەسكەرە وتىرىپ ازىرلەنگەن»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا. 

«ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق باسقارما ءتوراعاسى باۋىرجان سماعۇلوۆ ەنەرگيا سىيىمدىلىعى اياسىندا قول جەتكىزىلگەن ماقساتتاردىڭ ءبىرى – مەملەكەتتىك ەنەرگەتيكالىق ءتىزىلىمدى ەنگىزۋ ەكەندىگىن اتاپ ءوتتى. ونىڭ اياسىندا 20 مىڭنان استام نىساننىڭ ەنەرگيا تۇتىنۋ كولەمىن تالداۋعا مۇمكىندىك تۋعان. 

«بۇگىندە وندىرىستىك كاسپورىندار ەلىمىزدىڭ 40 پايىزدان استام ەنەرگيا رەسۋرستارىن تۇتىنادى. ەنەرگواۋديتتىڭ ءبىرىنشى كەزەڭىنىڭ قورىتىندىسى بويىنشا، وندىرىستىك سەكتوردىڭ ورتاشا قۋاتىنىڭ كولەمى 10 پايىزدى قۇرايدى. ەنەرگيا ۇنەمدىلىك پەن ەنەرگوتيىمدىلىك بويىنشا ءىس-شارالار جوسپارىن جۇزەگە اسىرۋعا 709 ملن اقش دوللارى كولەمىندە قاراجات قاراستىرىلعان. ءتىزىلىمنىڭ نىساندارى شەڭبەرىندە مىڭ جارىمنان استام ەنەرگواۋديت جۇرگىزىلدى. اتالعان جول كارتاسىن ەنگىزۋدىڭ ناتيجەسىندە 182،5 ملن دوللار كولەمىندەگى قارجى ۇنەمدەلدى»، – دەدى باۋىرجان سماعۇلوۆ.

ەنەرگيا ۇنەمدەۋ ساياساتىنىڭ باستى قۇرالدارىنىڭ قاتارىندا ەنەرگوتيىمدىلىك كارتاسىنىڭ دا ماڭىزى زور. ونىڭ اياسىندا 181 جوبا ىسكە اسىرىلۋدا. ونىڭ ىشىندە 55 جوبا مەملەكەتتىك-جەكە مەنشىك ارىپتەستىك مەحانيزمى شەڭبەرىندە ورىندالماق. ولاردىڭ ىشىندە سوڭعى جىلدارى ءساتتى جۇزەگە اسىرىلعان جوبالاردىڭ ءبىرى – كوشە جارىقتاندىرۋ بويىنشا جۇرگىزىلگەن مودەرنيزاسيا جۇمىستارى. قازىرگى تاڭدا قازاقستانداعى كوشە شامدارىنىڭ جارتىسى ديودتى شامدارعا اۋىستىرىلعان. جىل سايىن ەنەرگيا ۇنەمدەۋ كولەمى 55 پايىزدان اسىپ، ەكونوميكالىق تيىمدىلىگى 1،3 ملن دوللاردى قۇرادى. وسىعان وراي بۇگىندە قازاقستانداعى زاماناۋي ديودتى كوشە شامدارىنىڭ ۇلەس سالماعى 55 پايىزدان استام.