فورۆاردتىق ساتىپ الۋ كولەمى 2 ەسەگە ارتتى.
بيىل فورۆاردتىق ساتىپ الۋ كولەمى 2 ەسەگە ارتتى. بۇل تۋرالى ءماجىلىستىڭ جالپى وتىرىسىندا ق ر اۋىل شارۋاشىلىعى ءمينيسترى ەربول قاراشوكەيەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وزدەرىڭىزگە ءمالىم، سوڭعى ۋاقىتتا اۋىل شارۋاشىلىعى وندىرىسىنە ارنالعان تاۋارلىق-ماتەريالدىق قۇندىلىقتاردىڭ بىرنەشە ەسە قىمباتتاۋى بايقالۋدا. وسىعان بايلانىستى، قازىرگى ۋاقىتتا كوكتەمگى دالا جانە ەگىن جيناۋ جۇمىستارىن قارجىلاندىرۋ كولەمىن قوسىمشا 70 ملرد تەڭگەگە ۇلعايتىپ، بيۋدجەتتىك كرەديت بەرۋدىڭ جالپى كولەمىن 140 ملرد تەڭگەگە جەتكىزۋ ماسەلەسى پىسىقتالۋدا. ازىق-تۇلىك كەلىسىمشارت كورپوراسياسىنىڭ فورۆاردتىق ساتىپ الۋ باعدارلاماسى ارقىلى 80 ملرد تەڭگە كولەمىندە جەڭىلدەتىلگەن كرەديتپەن قامتاماسىز ەتىلگەن. بۇل رەتتە، اعىمداعى جىلى فورۆاردتىق ساتىپ الۋ كولەمى 2 ەسەگە ارتتى»، - دەدى ەربول قاراشوكەيەۆ.
سونىمەن قاتار ول، 1 ساۋىردەگى جاعداي بويىنشا، «كەڭ دالا» باعدارلاماسى بويىنشا 63،1 ملرد تەڭگە سوماسىنا وتىنىمدەر قارجىلاندىرىلعانىن ايتتى. مۇنىمەن قوسا، سونداي-اق ازىق-تۇلىك كەلىسىمشارت كورپوراسياسى 57،2 ملرد تەڭگە سوماسىنا وتىنىمدەردى قارجىلاندىردى. بۇدان باسقا، 200 مىڭ توننا كولەمىندە تۇقىمدىق استىق قورىن قالىپتاستىرۋ ءۇشىن فورۆاردتىق ساتىپ الۋعا 20 ملرد تەڭگە ءبولۋ ماسەلەسى پىسىقتالىپ جاتىر. 2021 جىلعى قۇرعاقشىلىق قايتالانعان جاعدايدا، مال مەن قۇس باسىنىڭ ساقتالۋىن قامتاماسىز ەتەدى.
اكىمدىكتەردىڭ دەرەكتەرى بويىنشا 2022 جىلى جالپى ەگىس كولەمى 23،1 ملن گەكتاردى قۇرايدى، بۇل 2021 جىلمەن سالىستىرعاندا 125 مىڭ گەكتارعا ارتىق.
ايتا كەتەيىك، بۇگىن ءماجىلىستىڭ جالپى وتىرىسىندا وڭىرلەرگە شىعۋ بارىسىندا ق ر پارلامەنتى ءماجىلىسىنىڭ دەپۋتاتتارىنا كەلىپ تۇسكەن ازاماتتاردىڭ وتىنىشتەرىن مەملەكەتتىك ورگانداردىڭ قاراۋ ناتيجەلەرى تالقىلانىپ جاتىر. دەپۋتاتتاردىڭ وڭىرلەرگە ساپارلارى بارىسىندا كوتەرىلگەن ەكى مىڭعا جۋىق سۇراق ۇكىمەت تاراپىنان جان-جاقتى ساراپتالىپ، قارالدى.