قاراعاندىدا ءبىر كوشەنىڭ ونداعان تۇرعىنى ەۆاكۋاسيالاندى

ەشكىم دالادا قالمايدى.

قاراعاندىدا ۋنيۆەرسيتەتسكايا كوشەسىندەگى سۋ باسقان ءۇش ءۇش قاباتتى ۇيلەردەن تۇرعىندار ەۆاكۋاسيالاندى. ءقازىر كوممۋنالدى قىزمەتتەر اۋلادان سۋ سورىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.

كەشەدەن بەرى قاراعاندى قالاسىنىڭ تانىمال پابليكتەرىندە كوشە بويلارىن سۋ باسىپ جاتقانى تۋرالى بەينەروليكتەر جاريالانىپ جاتىر. تۇرعىنداردى دۇرلىكتىرگەن بەينەكورىنىستەردەن ەرىگەن قار سۋىنىڭ كوشە جولدارىن باسىپ، اۋلالارعا كىرىپ جاتقانىن كورۋگە بولادى.

پاتەر يەلەرىمەن قاراعاندى وبلىسىنىڭ اكىمى جەڭىس قاسىمبەك كەزدەستى. ءوڭىر باسشىسى ەشكىمدى قيىن جاعدايدا قالدىرمايتىنىن اتتى.

«ەشكىم دالادا قالمايدى. ءتيىستى ۇيىمدار تەكسەرۋ جۇرگىزەدى. بارلىق قاجەتتى شارالار قابىلدانادى»، - دەدى جەڭىس قاسىمبەك.

قازىرگى ۋاقىتتا تۇيىقتالۋ ءقاۋپىنىڭ الدىن الۋ ماقساتىندا ەلەكتر قۋاتى سوندىرىلگەن.

سۋ باسقان ۇيلەردە 36 پاتەر بار. تۇرعىنداردىڭ كوپشىلىگى تۋىستارىنا كەتتى. 23 ادام قوناق ۇيلەرگە ورنالاستىرىلدى. وسىعان دەيىن قاراعاندى وبلىسىنداعى حقكو-دا «جەڭىلدىكتى تەرەزەلەر» جۇمىس ىستەيتىنى حابارلاندى.