ۇكىمەت مەديسينالىق كومەككە قولجەتىمدىلىك تەڭسىزدىگىن قىسقارتۋدى كوزدەپ وتىر.
ەلىمىزدە 1،5 ملن اۋىل تۇرعىنى مەديسينالىق ساقتاندىرۋمەن قامتىلماعان. بۇل تۋرالى ءماجىلىستىڭ جالپى وتىرىسىندا ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«1،5 ملن اۋىل حالقى مەديسينالىق ساقتاندىرۋمەن قامتىلماعان. بۇل ماسەلەنى شەشۋ ءۇشىن قالا مەن اۋىل تۇرعىندارى اراسىنداعى مەديسينالىق كومەككە قولجەتىمدىلىك تەڭسىزدىگىن قىسقارتۋ ماقساتى تۇر. سول ءۇشىن بيىل اۋىل تۇرعىندارىن، ونىڭ ىشىندە ءبىرىنشى كەزەكتە بالالاردى كەشەندى پروفيلاكتيكالىق تەكسەرۋدەن وتكىزۋ باستالادى. ەكىنشىدەن، 2025 جىلعا دەيىن اۋىلدىق جەرلەردە 420 مەديسينالىق مەكەمە سالۋ، اۋىلدىق ءدارىحانا پۋنكتتەرىن قۇرۋ جۇزەگە اسىرىلادى»، - دەدى ەرالى توعجانوۆ.
سونداي-اق، ول انا مەن بالا دەنساۋلىعىن قورعاۋ ماسەلەلەرىن ناقتى شەشۋ ءۇشىن 20 اۋدانارالىق پەرزەنتحانا، 17 دياگنوستيكالىق ورتالىق اشىلاتىنىن ايتتى.
«كادر تاپشىلىعىن ازايتۋ ماقساتىندا دارىگەرلەردىڭ، ورتا مەديسينا قىزمەتكەرلەرىنىڭ جالاقىسى كوتەرىلدى. 2022 جىلى تاپشى ماماندىقتار بويىنشا گرانتتار سانى 43%-عا ۇلعايتىلدى جانە مەديسينا قىزمەتكەرلەرىنىڭ جاۋاپكەرشىلىگىن ساقتاندىرۋ كوزدەلىپ وتىر. وسى شارالار ناتيجەسىندە 2025 جىلعا قاراي اۋىلدىق ەلدى مەكەندەردى كونسۋلتاسيالىق-دياگنوستيكالىق كومەكپەن قامتۋ 47 دەن 100%-عا دەيىن جەتكىزىلەدى»، - دەدى پرەمەر-مينيستردىڭ ورىنباسارى.