ەڭ تومەنگى كۇنكورىس دەڭگەيى 48،1 مىڭ تەڭگەنى قۇرادى.
2022 جىلدىڭ قازان ايىندا ەلىمىزدە ەڭ تومەنگى كۇنكورىس دەڭگەيى 48،1 مىڭ تەڭگەنى قۇرادى. بۇل بىلتىرعىعا قاراعاندا 17،1%-عا ارتىق، دەپ جازادى Almaty-akshamy.kz Finprom.kz سايتىنا سىلتەمە جاساپ.
رەسپۋبليكا بويىنشا ەڭ تومەنگى كۇنكورىس دەڭگەيىنىڭ جوعارى شاماسى ماڭعىستاۋ وبلىسىندا بايقالدى (60،8 مىڭ تگ). ودان كەيىنگى ورىنداردا استانا (52،6 مىڭ تگ) جانە الماتى (51،5 مىڭ تگ) قالالارى ورنالاسقان. بەستىكتەر قاتارىنا شىعىس قازاقستان (50،1 مىڭ تەڭگە) مەن اقمولا (48،1 مىڭ تەڭگە) وبلىستارى كىردى.
ەڭ تومەنگى كۇنكورىس دەڭگەيى قىزىلوردا، تۇركىستان جانە باتىس قازاقستان وبلىستارىندا تىركەلدى.
ەر ادامدار ءۇشىن ەڭ تومەنگى كۇنكورىس دەڭگەيىنىڭ ەڭ تومەن كورسەتكىشى 1-3 جاس ارالىعىنداعى بالالاردا (37،3 مىڭ تگ)، ال ەڭ جوعارى كورسەتكىش 14-17 جاس ارالىعىنداعى جاسوسپىرىمدەردە (60،1 مىڭ تگ) تىركەلدى.
ەڭ تومەنگى كۇنكورىس دەڭگەيى 1-3 جاستاعى قىز بالالار ءۇشىن – 36،5 مىڭ تگ، 14-17 جاستاعى قىزدار ءۇشىن 46،1 مىڭ تگ بولىپ بەلگىلەندى.
قازاقستاندا ەر ادامداردىڭ ەڭ تومەنگى كۇنكورىس دەڭگەيى ايەلدەردىكىنە قاراعاندا ەداۋىر جوعارى.
