الماتى العاشقى رەت پولشانىڭ كراكوۆ قالاسىندا جىل سايىن وتەتىن ICCA ىسكەري كونگرەسسىنە (حالىقارالىق كونگرەسستەر جانە كونفەرەنسيالار اسسوسياسياسى) قاتىستى. الماتى قالاسىنىڭ اكىمدىگى تۋريستىك نارىقتىڭ حالىقارالىق بيزنەس قوعامداستىعىنا قاتىستى قالانىڭ ارنايى مۇمكىندىكتەرىن ۇسىندى، - دەپ حابارلايدى almaty-akshamy.kz
«حالىقارالىق كونگرەسستەر مەن كونفەرەنسيالار قاۋىمداستىعىنا مۇشەلىك-بۇل ءبارىمىز ءۇشىن قىزىقتى پەرسپەكتيۆا. كونگرەسس بارىسىندا 2023 جىلى الماتىدا ءبىرقاتار ICCA بيزنەس-يۆەنتتەرىن وتكىزۋ تۋرالى كەلىسسوزدەر جۇرگىزىلدى. ءبىز قالانى ىسكەرلىك ءىس-شارانى وتكىزۋ الاڭى رەتىندە ۇسىنامىز، وسىلايشا قالاعا ينۆەستيسيا تارتامىز. ورتالىق ازيا حابى رەتىندە ءبىز تۋريستەردىڭ دەمالىسى مەن ءىس-شارالارىن وتكىزۋگە وتە قولايلى»، - دەدى الماتى قالاسى تۋريزم باسقارماسى.
حالىقارالىق ساراپشىلار الماتى قالاسى ءتۇرلى حالىقارالىق ىسكەري شارالار وتكىزەتىن پەرسپەكتيۆالىق MICE-دەستيناسيا ەكەنىن اتاپ ءوتتى.
«كونگرەسستە ءبىز الماتىدا وقيعالار يندۋسترياسى جانە ينسەنتيۆ-تۋريزم (imex) سالاسىنداعى ءىرى حالىقارالىق مامانداندىرىلعان كورمەنىڭ يۆەنتتەرىن وتكىزۋ مۇمكىندىگىن تالقىلاي باستادىق. قالانىڭ بىرەگەي ورنى بار، بۇل MICE ءتۋريزمىن دامىتۋدىڭ قولايلى فاكتورى بولىپ تابىلادى»، ― دەپ اتاپ ءوتتى IMEX كومپانياسىنىڭ ساتۋ جونىندەگى اعا مەنەدجەرى ليز برەند.
اكىمدىك قالانىڭ ساپالى ىسكەر تۋريستەردى تارتۋعا باعىتتالعانىن اتاپ ءوتتى. كەلەسى جىلى 5000 ادامدى قامتي وتىرىپ، كەمىندە 10 بيزنەس-يۆەنت وتكىزۋ جوسپارلانۋدا.
ەسكە سالساق، 1 تامىزدان باستاپ الماتى ICCA حالىقارالىق كونگرەسس جانە كونفەرەنسيا قاۋىمداستىعىنىڭ مۇشەسى بولدى. وعان 88 ەلدەن كەلگەن ءتۇرلى تۋريستىك ۇيىمداردىڭ 950 مۇشەسى كىرەدى. جاھاندىق MICE نارىعى 2021 جىلى 1،5 ميلليارد دوللارعا جەتتى جانە ءوسۋدى جالعاستىرۋدا.