وتاندىق بالىق ونىمدەرى الەمدىك نارىقتا باسەكەگە قابىلەتتى.
ەلىمىزدە جىل سايىن 45 مىڭ توننا بالىق اۋلانادى. بۇل تۋرالى پارلامەنت ماجىلىسىندەگى ۇكىمەت ساعاتىندا ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستاننىڭ تابيعي سۋ قويمالارىندا جىل سايىن شامامەن 40-45 مىڭ توننا بالىق اۋلانادى. بۇل كورسەتكىش جىل سايىن ءوسىپ كەلەدى. سونىمەن قاتار بىلتىر 15 مىڭ تونناعا جۋىق بالىق ءوسىرىلدى. بۇل 2017 جىلعى دەڭگەيدەن 5،5 ەسە جوعارى»، - دەدى سەريكقالي برەكەشيەۆ.
ونىڭ ايتۋىنشا، قازاقستانعا شامامەن 41 مىڭ توننا مۇحيت پەن تەڭىز بالىق تۇرلەرى اكەلىنەدى.
«بۇدان بولەك، جىل سايىن 25 مىڭ تونناعا جۋىق بالىق جانە بالىق ونىمدەرى ەكسپورتتالادى. ونىڭ نەگىزگى ۇلەسى تەرەڭ وڭدەلگەن ءونىم. بۇل رەتتە، وتاندىق بالىق ونىمدەرى الەمدىك نارىقتا باسەكەگە قابىلەتتى. نەگىزگى مىندەت - بالىقتىڭ ىشكى نارىقتاعى ۇلەسىن ارتتىرۋ، سونداي-اق تەڭىزدە بالىق اۋلاۋدى يگەرۋ ءارى تاۋارلىق بالىق ءوسىرۋ شارۋاشىلىعىن دامىتۋ ەسەبىنەن ەكسپورتتىق الەۋەتتى ودان ءارى ۇلعايتۋ جانە بىرتىندەپ يمپورتتى الماستىرۋ»، - دەدى مينيستر.