سوڭعى مالىمەتتەر بويىنشا بۇل تىزىمگە 354 ۇيىم ەنگەن
قازاقستاندا ەكونوميكانىڭ ءارتۇرلى سالاسىنداعى كاسىپورىنداردىڭ ىشىندە بيۋدجەتكە ەڭ كوپ سالىق تولەيتىن كومپانيالاردىڭ ءتىزىمى جاريالاندى، دەپ حابارلايدى Almaty-akshamy.kz. Azattyq Ruhy-نا سىلتەمە جاساپ.
ق ر سالىق كودەكسىنىڭ 130-بابىنىڭ 3-تارماعىنا سايكەس مونيتورينگكە جاتاتىن ءىرى سالىق تولەۋشىلەردىڭ تىزبەسى بەلگىلەنەدى. سوڭعى مالىمەتتەر بويىنشا بۇل تىزىمگە 354 ۇيىم ەنگەن.
Ranking.kz زەرتتەۋىنشە، 2022 جىلدىڭ اياعىندا بۇل كومپانيالار ءبىر جىل ىشىندە قازىناعا 13،5 ترلن تەڭگە سالىق تولەمىن اۋدارعان.
«ەڭ ءىرى سالىق تولەۋشىلەر تاۋ-كەن كومپانيالارى بولىپ قالا بەرەدى. بۇل سالادا تەك 2022 جىلدىڭ وزىندە سالىق اۋدارىمدارى 9،5 ترلن تەڭگەنى قۇرادى. ەكىنشى ورىندا 1،5 ترلن تەڭگە سالىق تولەمدەرىنىڭ كولەمىمەن وڭدەۋ ونەركاسىبى، ودان كەيىن 835،5 ملرد تەڭگەمەن ساۋدا سالاسى تۇر»، - دەيدى ساراپشىلار.
ءىرى كولەمدە سالىق تولەيتىن 10 كومپانيانىڭ تىزىمىنە كىرەتىندەر:
- «تەڭىزشيەۆرويل» – سالىق تولەمى 4،6 ترلن تەڭگە؛
- «قاراشىعاناق پەترولەۋم وپەرەيتينگ ب.ۆ.» – 1،4 ترلن تەڭگە؛
- «ماڭعىستاۋمۇنايگاز» اق – 434،9 ملرد تەڭگە؛
- «وزەنمۇنايگاز» – 269،7 ملرد تەڭگە؛
- «نورت كاسپيان وپەرەيتينگ كومپاني ن. ۆ.» – 239،1 ملرد تەڭگە؛
- «قاراجانباسمۇناي» – 205،9 ملرد تەڭگە؛
- «سنپس-اقتوبەمۇنايگاز» اق – 190،2 ملرد تەڭگە؛
- «ازيا گاز قۇبىرى» – 166،5 ملرد تەڭگە؛
- «Philip Morris Kazakhstan» – 161،8 ملرد تەڭگە؛
- «ەمبىمۇنايگاز» – 159،3 ملرد تەڭگە.
ون ءىرى سالىق تولەۋشىنىڭ سەگىزى شيكى مۇناي مەن ىلەسپە گاز وندىرۋگە ماماندانعان.
تومەندە ەلدەگى ەڭ ءىرى ەلۋ سالىق تولەۋشىلەردىڭ ءتىزىمى بەرىلگەن:
