بۇعان ۇكىمەت رەزەرۆىنەن 633 ملن تەڭگەدەن استام قارجى ءبولىندى.
ۇكىمەت توتەنشە جاعدايلار مينيسترلىگىنىڭ بولىمشەلەرىن ارنايى قۇرىلعىلارمەن قامتاماسىز ەتۋ بويىنشا قوسىمشا شارالار قابىلداپ جاتىر، دەپ حابارلايدى Almaty-akshamy.kz
ۇكىمەتتىڭ باسپا ءسوز قىزمەتى حابارلاعانداي، ءتيىستى قاۋلىعا پرەمەر-مينيستر ءاليحان سمايىلوۆ قول قويعان.
«قۇجاتقا سايكەس، قاراجات تابيعي جانە تەحنوگەندىك سيپاتتاعى توتەنشە جاعدايلاردى جويۋعا قاتىساتىن توتەنشە جاعدايلار مينيسترلىگىنىڭ اۋە كەمەلەرىنە 5 سۋ شاشۋ قۇرىلعىسىن جانە 71 ۇشقىشسىز ۇشۋ اپپاراتىن ساتىپ الۋعا باعىتتالادى»، - دەلىنگەن حابارلامادا.
بۇگىنگى تاڭدا تجم قاراماعىندا 27 ۇشقىشسىز ۇشۋ اپپاراتى بار. الايدا بيىل بولعان ورتتەر مەن باسقا دا توتەنشە جاعدايلار ولاردىڭ سانىنىڭ جەتكىلىكسىز ەكەنىن كورسەتتى.
سونداي-اق قازىرگى ۋاقىتتا اشىق سۋ قويمالارىنان سۋ الىپ، تابيعي ءورت وشاقتارىنا اۋە ارقىلى جەتكىزۋ ءۇشىن 12 سۋ شاشاتىن قۇرىلعى بار. تجم اۆياسيالىق پاركى كوپفۋنكسيالى 34 اۋە كەمەسىنەن تۇرادى.
«وسىلايشا جاڭا دروندار مەن سۋ شاشۋ قۇرىلعىلارىن ساتىپ الۋ تابيعي جانە تەحنوگەندىك سيپاتتاعى توتەنشە جاعدايلار كەزىندە ءتيىستى بولىمشەلەردىڭ تيىمدىلىگىن ارتتىرۋعا مۇمكىندىك بەرەدى»، دەپ مالىمدەدى ۇكىمەت.