قازاقستان پرەمەر-ليگاسىنىڭ 20-تۋرى اياسىندا شىمكەنتتىك «ورداباسى» «قايراتتى» تىزە بۇكتىردى.
ويىن شىمكەنتتە ءوتىپ، 1:0 ەسەبىمەن اياقتالدى. ماچتاعى جالعىز گولدى حورۆاتيالىق بەرناردو ماتيچ سوقتى، دەپ حابارلايدى Almaty-akshamy.kz.
ال قوناقتاردىڭ قاقپاشىسى دانييل ۋستيمەنكو ەكىنشى تايمدا پەنالتي ورىندادى. 48 ۇپايمەن «ورداباسى» تۋرنير كەستەسىنىڭ كوش باسىندا قالسا، 32 ۇپايى بار الماتىلىق «قايرات» بەسىنشى ساتىعا جايعاستى. شىمكەنتتىكتەر «قايرات» كومانداسىنان ءبىر ويىن كەم وتكىزگەنىن دە ايتا كەتەيىك.
قازاقستان پرەمەر-ليگاسىنىڭ 20-تۋرى اياسىنداعى ويىندا «اقتوبە» ءوز الاڭىندا قوستانايلىق «توبىلمەن» تەڭ وينادى. رامازان ورازوۆتىڭ ءدال سوققىسىنان كەيىن ءبىرىنشى بولىپ قوناقتار ەسەپ اشتى. ەكىنشى تايمدا الىبەك قاسىم قىزىل قاعاز الىپ، الاڭ يەلەرىن 10 ويىنشىمەن قالدىردى. الايدا حورۆاتيالىق لەگيونەر اندرەي ءفيليپوۆيچتىڭ گولى «اقتوبەنى» جەڭىلىستەن قۇتقارىپ قالدى. اقتوبەلىك كلۋب 40 ۇپايمەن ەكىنشى ورىنعا قايتا ورالدى. ال «توبىل» 27 ۇپايمەن التىنشى ورىنعا كوتەرىلدى. اقتوبەلىك كلۋب 40 ۇپايمەن ەكىنشى ورىنعا قايتا ورالدى. ال «توبىل» 27 ۇپايمەن التىنشى ورىنعا كوتەرىلدى.
«استانا» قازاقستان پرەمەر-ليگاسىنىڭ 20-شى تۋرىنداعى ويىندا «قايسارمەن» تەڭ وينادى، كەزدەسۋ ەلوردادا ءوتىپ، 1:1 ەسەبىمەن اياقتالدى. ەكىنشى تايمنىڭ سوڭىندا قوناقتار تيمۋر دوسماعامبەتوۆتىڭ گولىنا دميتريي ءبوروديننىڭ پەنالتيدەن سوققان ءدال سوققىسىمەن جاۋاپ بەردى. ەندى «استانا» 40 ۇپاي جيناپ، تۋرنير كەستەسىندە ەكىنشى ورىنعا كوتەرىلدى. ال 25 ۇپايى بار «قايسار» سەگىزىنشى ورىندا قالدى. ەسكە سالايىق، وسى اپتادا قازاقستان چەمپيوندارى بولگاريالىق «لۋدوگورەستەن» (2:1، 1:5) جالپى ەسەپتە ۇتىلىپ، ەۋروپا ليگاسىنان شىعىپ قالعان بولاتىن.
پرەمەر-ليگا كوماندالارى اراسىنداعى فۋتبولدان قازاقستان چەمپيوناتىنىڭ ماچىندا «ماقتاارال» فك «جەتىسۋدى» قابىلداپ، سەنساسيالىق جەڭىسكە جەتتى. وڭتۇستىكتىكتەر اسحات بالتابەكوۆتىڭ اۆتوگولىڭ ارقاسىندا تالدىقورعاندىق كلۋبتى جەڭدى. ناتيجەسىندە «ماقتارال» 15 ۇپاي جيناپ، تۋرنير كەستەسىندە 13-ورىنعا كوتەرىلدى. «جەتىسۋ» جەڭىلىستەن كەيىن 24 ۇپايمەن 9-شى ورىندا قالدى.