2024 جىلعى XXXIII جازعى وليمپيادعا دايىنداۋ جوسپارى مەن جاڭا ادىستەمە جوباسى تانىستىرىلدى
دزيۋدودان جاستار جانە جاسوسپىرىمدەر قۇرامالارى ەندى نەگىزگى ۇلتتىق قۇرامامەن ءبىر الاڭدا جاتتىعاتىن بولادى، دەپ حابارلايدى Almaty-akshamy.kz ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
دزيۋدو بويىنشا فەدەراسيا مەن جاتتىقتىرۋشىلار شتابى مادەنيەت جانە سپورت ءمينيسترى داۋرەن ابايەۆقا ۇلتتىق قۇراما مۇشەلەرىن الداعى حالىقارالىق جارىستارعا، ونىڭ ىشىندە 2024 جىلعى XXXIII جازعى وليمپيادعا دايىنداۋ جوسپارىن جانە جاڭا ادىستەمە جوباسىن تانىستىردى.
الداعى ۋاقىتتا جاس دزيۋدوشىلار نەگىزگى قۇرامامەن جانە الەمنىڭ ۇزدىك دزيۋدوشىلارىمەن بىرلەسىپ وقۋ-جاتتىعۋ جيىندارىنا دا قاتىساتىن بولادى. سونىمەن قاتار، ولاردى حالىقارالىق دەڭگەيدەگى جارىستارعا قاتىسۋعا ىرىكتەۋ كريتەرييلەرى دە قايتا قارالادى. بۇل بولاشاق وليمپياداشىلاردى دايارلاۋ پروسەسىن كۇشەيتۋگە مۇمكىندىك بەرەدى.
«ۇلكەن جۇمىس جۇرگىزىلىپ جاتىر، كوپتەگەن پروسەستەر قايتا قارالىپ، وزگەرەدى. مۇنىڭ ءبارى ناقتى الداعى وليمپيادا ويىندارىندا وڭ ناتيجە بەرۋى كەرەك. سوندىقتان بۇل ماسەلەدە ءبىز ءبارىمىز جاۋاپتىمىز»، - دەدى داۋرەن ابايەۆ.