ەكى ۇلكەن سوققىدان مۇز كەسەكتەرى پايدا بولدى
NASA-نىڭ مارستاعى ءبىرى بەتىندە، ەكىنشىسى وربيتاداعى ەكى عارىش اپپاراتى بۇرىن-سوڭدى بولماعان الىپ مەتەوريتتەردىڭ قۇلاۋى مەن سوققىلاردان پايدا بولعان كراتەرلەردى تىركەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ەكى ۇلكەن سوققىدان مۇز كەسەكتەرى پايدا بولدى. بۇل جاڭالىق زەرتتەۋشىلەرگە بولاشاق استروناۆتار مارستىڭ تابيعي رەسۋرستارىن پايدالانا الاتىن امالداردى تابۋعا كومەكتەسەدى.
Insight زەرتتەۋ اپپاراتى سەيسميكالىق دۇمپۋلەردى ولشەدى، ال Mars Reconnaissance وربيتالىق ستانسياسى پايدا بولعان كراتەرلەردىڭ سۋرەتتەرىن ۇسىندى.
«ەكى سوقتىعىستىڭ سەيسميكالىق دەرەكتەرى مارس قىرتىسىنىڭ تىعىزدىعىن تانىتىپ وتىر. ءبىز ءۇشىن مارستىڭ كوبىنە جۇمباق بولىپ قالىپ وتىرعان ىشكى قۇرىلىمى مەن ديناميكاسىن ءتۇسىنۋ ءۇشىن ءالى كوپ ۋاقىت كەرەك»، - دەدى زەرتتەۋگە قاتىسقان شۆەيسارياداعى گەوفيزيكا ينستيتۋتىنىڭ وكىلى دوەن كيم.
عالىمدار ەۋروپا مەن قىتايدىڭ بولاشاق قوندىرۋ اپپاراتتارى بۇدان دا جەتىلدىرىلگەن سەيسمومەترلەرمەن جابدىقتالىپ، مارستىڭ قالاي دامىعانى تۋرالى ناقتىراق مالىمەت بەرەتىنىن مالىمدەدى.
InSight قوندىرعىش ءمودۋلى مارستىڭ ەكۆاتورلىق جازىعىنا 2018 جىلى قونىپ، سودان بەرى 1 300-دەن استام سوققىنى تىركەگەن. اپپارات قۋاتىنىڭ تاۋسىلۋىنا بايلانىستى ميسسياسىن اياقتايدى، ويتكەنى ونىڭ كۇن پانەلدەرىن شاڭدى داۋىل باسقان. مامانداردىڭ ايتۋىنشا، قوندىرعىشتا ەلەكتر قۋاتى تاۋسىلعانعا دەيىن ءالى 4-تەن 8 اپتاعا دەيىن ۋاقىت بار.