قازاقستاندا العاش رەت بانك ەسەپشوتتارىن الاياقتىق سحەمالاردا پايدالانۋعا بەرگەن ادامداردىڭ "سۇر" جانە "قارا" ءتىزىمى شىقتى. بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى مادينا ءابىلقاسىموۆا مالىمدەدى، دەپ حابارلايدى Aqshamnews.kz.
ءابىلقاسىموۆانىڭ ايتۋىنشا، ارنايى انتيفرود-ورتالىققا كۇدىكتى وپەراسيالاردى بەس كۇنگە دەيىن بۇعاتتاۋ جانە تەكسەرۋ قۇقىعى بەرىلگەن.
"ەگەر بەس كۇن ىشىندە وپەراسيانىڭ الاياقتىققا قاتىسى جوق ەكەنى دالەلدەنسە، ەسەپشوت قايتا اشىلىپ، قىزمەت كورسەتۋ تولىق قالپىنا كەلەدى. ال كۇدىك راستالسا، ادام «سۇر» تىزىمگە ەنگىزىلەدى – بۇل كەزدە قىلمىستىق ءىس قوزعالىپ، تەرگەۋ جۇرگىزىلەدى. تەرگەۋ ناتيجەسىندە ادامنىڭ كىناسى دالەلدەنسە، ول «قارا» تىزىمگە وتەدى"، – دەدى اگەنتتىك باسشىسى.
بۇل مەحانيزم ادال ازاماتتاردى قورعاۋعا جانە كەزدەيسوق الاياقتىق سحەماسىنا تاپ بولعان ادامداردىڭ قۇقىقتارىن ساقتاۋعا باعىتتالعان.
"بۇعان دەيىن بىزگە: “ءبىزدى الداپ وسى سحەماعا قوسىپ جىبەرگەن، كىنامىز جوق، ءبىراق بانكتىك قىزمەتىمىز بۇعاتتالدى” دەپ شاعىمدانعاندار بولدى. جاڭا ءتارتىپ ادامدارعا سيتۋاسيانى انىقتاپ، ءوز اتىنا كىر كەلتىرمەي، banking-وپەراسيالارىن قايتا قالپىنا كەلتىرۋگە مۇمكىندىك بەرەدى"، – دەدى ءابىلقاسىموۆا.
جاڭا جۇيە قارجى نارىعىندا قاۋىپسىزدىكتى ارتتىرۋدى جانە حالىقتى الاياقتىقتان قورعاۋدى كوزدەيدى.