بۇل ۆيزا IT-ماماندارعا ارنالعان.
سيفرلىق دامۋ مينيسترلىگى حالىقارالىق مامانداردى تارتۋ جانە قازاقستاننىڭ سيفرلىق ەكونوميكاسىن دامىتۋعا باعىتتالعان Digital Nomad Visa باعدارلاماسىنىڭ ىسكە قوسىلعانىن جاريالادى، دەپ حابارلايدى aqshamnews.kz
ۆيزا الەمنىڭ تۇكپىر-تۇكپىرىندەگى ماماندارعا قازاقستاندا زاماناۋي سيفرلىق قىزمەتتەر مەن جوعارى دەڭگەيلى جايلىلىقتى پايدالانا وتىرىپ، ءومىر ءسۇرۋ جانە جۇمىس ىستەۋگە مۇمكىندىك بەرەدى.
Digital Nomad Visa IT-ماماندارعا ارنالعان، قازاقستاندى قاشىقتان جۇمىس ىستەۋگە ىڭعايلى حاب رەتىندە ۇسىنادى. باعدارلاما جوعارى جىلدامدىقتى ينتەرنەتكە قولجەتىمدىلىك، وزىق سيفرلىق قىزمەتتەر جانە بيزنەستى جۇرگىزۋدىڭ جەڭىلدىگى ماڭىزدى كاسىبي مامانداردى تارتۋعا باعىتتالعان.
Digital Nomad Visa ارتىقشىلىقتارى:
- يكەمدى ۆيزالىق رەجيم: ۆيزانى بەرۋ جانە ۇزارتۋ راسىمدەرىنىڭ جەڭىلدەتىلۋى.
- 5G جانە سپۋتنيكتىك بايلانىسقا قولجەتىمدىلىك: ەل اۋماعىندا تۇراقتى بايلانىس قامتاماسىز ەتىلگەن.
- جەرگىلىكتى مادەنيەتپەن ينتەگراسيا: بەيىمدەلۋگە، تۇرعىن ءۇي ىزدەۋگە جانە كاسىبي بايلانىستار ورناتۋعا كومەك كورسەتۋ.
- مەملەكەتتىك قولداۋ: بيزنەستى جەڭىلدەتۋ جانە يننوۆاسيالىق جوبالارعا قاتىسۋ مۇمكىندىگى.
«Digital Nomad Visa – قازاقستاندى سيفرلىق كوشپەندىلەر ءۇشىن حالىقارالىق ورتالىققا اينالدىرۋعا باعىتتالعان ماڭىزدى قادام. باعدارلاما جۇمىس ىستەۋگە ىڭعايلى جاعدايلار مەن جوعارى ءومىر ءسۇرۋ دەڭگەيىن قامتاماسىز ەتەدى، بۇل يننوۆاسيالىق ەكوجۇيەلەردى دامىتۋعا جانە الەمنىڭ تۇكپىر-تۇكپىرىندەگى ماماندارمەن تاجىريبە الماسۋعا ىقپال ەتەدى»،- دەپ سيفرلىق دامۋ ءمينيسترى جاسلان مادييەۆ اتاپ ءوتتى.
Digital Nomad Visa باعدارلاماسى ءقازىردىڭ وزىندە قولجەتىمدى جانە قازاقستاندا جۇمىس ىستەۋگە جانە ءومىر سۇرۋگە بىرەگەي مۇمكىندىكتەر بەرەدى.