سەنات سپيكەرى ماۋلەن اشىمبايەۆ پارلامەنتتىك تىڭداۋ بارىسىندا ەڭبەك نارىعىنداعى جاعدايعا قاتىستى پىكىر ءبىلدىردى.
ونىڭ ايتۋىنشا، 2030 جىلعا دەيىن ەل ەكونوميكاسىنا بارلىق سالا بويىنشا قوسىمشا 1،6 ميلليون مامان قاجەت بولادى، دەپ حابارلايدى aqshamnews.kz.
سەنات سپيكەرى ماۋلەن اشىمبايەۆتىڭ ايتۋىنشا، قازاقستاندا بىلىكتى ماماندار تاپشىلىعى ايقىن بايقالادى. اسىرەسە، ينجەنەرلەر، تەحنيكالىق ماماندار، اگرونومدار جانە ۆەتەرينارلار جوعارى سۇرانىسقا يە.
بۇل ءۇردىس الداعى جىلدارى ودان ءارى كۇشەيە تۇسەدى. ەڭبەك رەسۋرستارىن دامىتۋ ورتالىعىنىڭ بولجامىنا سايكەس، 2030 جىلعا دەيىن ەل ەكونوميكاسىنا بارلىق سالا بويىنشا قوسىمشا 1،6 ميلليون مامان قاجەت بولادى. ونىڭ ىشىندە شامامەن 900 مىڭ مامان تەحنيكالىق جانە كاسىپتىك ءبىلىم بەرۋ سالاسىنان، ال 430 مىڭ مامان جوعارى ءبىلىمدى ماماندار قاتارىنان قاجەت. سونىمەن قاتار، قۇرىلىس، اۋىل شارۋاشىلىعى، وڭدەۋ ونەركاسىبى جانە كولىك سالالارىندا كادر تاپشىلىعى ايتارلىقتاي جوعارى.
اشىمبايەۆتىڭ ايتۋىنشا، ەلدەگى ءار بەسىنشى تۇلەك ءوز ماماندىعى بويىنشا جۇمىس ىستەمەيدى. بۇل كادرلاردى دايارلاۋ جۇيەسىنىڭ قازىرگى ەكونوميكانىڭ ناقتى سەكتورىنداعى سۇرانىستارعا تولىق سايكەس كەلمەيتىنىن كورسەتەدى.
ايتا كەتەيىك، بۇعان دەيىن قازاقستاندا تۋىستىق بايلانىستاردىڭ سالدارىنان جاس مامانداردىڭ عارىش سالاسىنان كەتىپ جاتقانى تۋرالى مالىمەت تاراعان بولاتىن.