ونىڭ جالپى سانى 21-گە جەتىپ وتىر.
قازاقستان ۇكىمەتى ساپاسى تومەن جوعارعى وقۋ ورىندارىن جاۋىپ جاتىر. وسى كۇنگە دەيىن 15 جوو جابىلدى،تاعى التى ۋنيۆەرسيتەت جابىلۋى مۇمكىن. بۇل تۋرالى وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz.
«اكادەميالىق دەربەستىكتى كەڭەيتۋمەن قاتار، جاۋاپكەرشىلىگى تومەن ۋنيۆەرسيتەتتەردى جاۋىپ، ساپانى قامتاماسىز ەتە المايتىن جوو-لاردى قايتا بەيىندەۋ بويىنشا كۇردەلى جۇمىستار جۇرگىزدىك. ناتيجەسىندە 15 جوو جابىلدى. بۇدان بولەك، قوسىمشا 6 وقۋ ورنىن جابۋعا قاتىستى شەشىمىمىزگە شاعىم بەرىلىپ، ول سوتتا قارالىپ جاتىر. ونىڭ جالپى سانى 21-گە جەتىپ وتىر. جابىلعان ۋنيۆەرسيتەتتەردىڭ 100 مىڭنان استام ستۋدەنتىن باسقا جوو-لارعا اۋىستىردىق. 66 ۋنيۆەرسيتەتتىڭ ءالسىز ءبىلىم بەرۋ باعدارلامالارى بويىنشا 505 ليسەنزيانى كەرى قايتارىپ الدىق»، - دەپ جازدى مينيستر ءوزىنىڭ Facebook پاراقشاسىندا.
سونىمەن قاتار ول وقىتۋدىڭ ءالسىز باعىتتارى بويىنشا ليسەنزيانى قايتارىپ الۋ ءۇشىن تاعى 4 جوو-مەن سوت پروسەسى ءجۇرىپ جاتقانىن ايتتى.
«پەداگوگيكالىق باعىتتار بويىنشا جوعارى وقۋ ورىندارىنىڭ سانى 85-تەن 50-گە دەيىن قىسقاردى. ەندى وقىتۋدىڭ ءتيىستى ساپاسىن قامتاماسىز ەتەتىندەر عانا بولاشاق مۇعالىمدەردى دايىنداي الادى. زاڭگەرلەردى دايارلايتىن ۋنيۆەرسيتەتتەردىڭ سانى 72-دەن 61-گە دەيىن قىسقاردى»، - دەدى اسحات ايماعامبەتوۆ.